Ҳуқуқ кафедраси

глоссарий
Коррупция (лот. сorrumpere — бузмоқ) - мансабдор шахслар томонидан унга берилган мансаб ваколатлари ва ҳуқуқлардан ўзларининг шахсий манфаатларини кўзлаб қонунчилик ва аҳлоқий қоида, ахлоқий меъёрларга зид равишда фойдаланиши.
Коррупциячи (коррумпатор) – алоҳида “нозик қобилият”га эга бўлган давлат ходимлари ва бошқа шахсларга ноқонуний маблағ ёки мулк (ҳуқуқ) берувчи шахс.
Коррупционер – давлат ёки жамоат ходими, ўзини ўзи бошқариш органлари ёки бошқа ташкилотда бошқарув функцияларини амалга оширувчи шахснинг шахсий, тор гуруҳ ёки корпоратив мақсадларга эришиш учун маълум бир ҳақ эвазига ваколатлари, хизматлари, алоқалари ёки лавозимидан фойдаланадиган хусусий ёки юридик шахс.
Корруптолог – коррупция муносабатларини ўрганиш асосида коррупциянинг келиб чиқиш сабаблари, коррупцияни келтириб чиқараётган омиллар, иштирокчилар шахсиятининг ўзига хос хусусиятлари, жисмоний ва ёки юридик шахсларнинг характерлари, хусусиятларини тадқиқ этиш, жиноятларни ҳисобга олиш, таснифлашни турли хил усуллар билан илмий жиҳатдан ўрганиб, коррупцияга қарши кураш чораларини тавсия этиш билан шуғулланувчи мутахассис.
Коррупциялогия - коррупция ва уни усулларини билишга бағишланган махсус фан.
Коррупцияга қарши мафкура - бу индивидуал, ижтимоий гуруҳлар, ҳукмрон элита ва жамиятнинг коррупцияга қарши сиёсати ва коррупцияга қарши кураш муносабатларини акс эттирадиган фикр, эътиқод, қарашлар, тамойиллар ва тушунчаларнинг маънавий тизими.
Коррупцияга қарши маърифат - бу давлат ва жамиятнинг коррупцияни бартараф этиш (олдини олиш) бўйича олиб борилаётган фаолияти ҳақида ишончли ва холис билимларни оммага етказишдир.
Коррупцияга қарши мониторинг - коррупцияга қарши кураш, коррупция омиллари, шунингдек, коррупцияга қарши сиёсатни амалга ошириш бўйича умумий ва махсус чоралар кўриш, таҳлил қилиш, баҳолаш ва прогнозлаш ишлари.
Коррупцияга қарши тарбия - бу шахснинг коррупцияга қарши курашиш ва коррупцияга қарши кураш тадбирларини тайёрлаш қобилиятларини шакллантириш ҳамда ривожлантириш мақсадига қаратилган маънавий фаолият.