Ҳуқуқ кафедраси

7-МАВЗУ. O’ZBEKISTONDA KORRUPSIYAGA QARSHI KURASHNING IJTIMOIY, GOYAVIY ASOSLARI
1. Коррупцияга қарши курашда давлат сиёсатининг устувор йўналишлари.
2. Коррупцияга қарши курашда жамоатчилик назоратининг роли.


1. Коррупцияга қарши курашда давлат сиёсатининг устувор йўналишлари.
Бугунги кунда мустақил Ўзбекистон Республикаси ўтиш даври ва бозор муносабатларини тўла амалга ошириш йўлидан борар экан коррупция ва жиноятчиликнинг кўпгина турлари бу жараёнга салбий таъсир кўрсатиб келаётганлиги ҳеч кимга сир эмас. Барча мамлакатларда бўлгани сингари корупция ва жиноятчиликнинг кўпгина турлари Ўзбекистон Республикасининг ички тизимида чуқур ва мустаҳкам уя қуриб олган. Ўзбекистон уюшган жиноятчиликнинг "қора" иқтисодиёт, нарко бизнес, терроризм усулларидан фойдаланиш, фахш савдоси каби турларидан холи мамлакат эмас.
Тошкент Давлат Юридик Институти Ўқитувчиси Игорь Кудриявцев «бизнинг ҳудудларда жиноий уюшмаларнинг асосан икки тури мавжуд бўлиб, биринчиси: гиёҳвандлик моддалари билан савдо қиладиган гуруҳлар
ва иккинчиси; ҳокимиятни босиб олиш, яъни конституциявий тузумни ағдариб ташлаш мақсадида фитналар уюштиришни мақсад қилиб олган жиноий уюшмалар»⁴⁰дир деган фикрларни билдирган. Лекин Ўзбекистонда уюшган жиноятчиликнинг энг хавфли бўлган учинчи куриниши ҳам мавжуд. Бу коррупциядир.
Ўзбекистон Республикаси “Коррупцияга қарши курашиш тўғрисида”ги Қонуннинг 5-моддасида коррупцияга қарши курашиш соҳасидаги давлат сиёсатининг асосий йўналишлари сифатида қуйидагилар келтирилган:

1. 
   аҳолининг ҳуқуқий онги ва ҳуқуқий маданиятини юксалтириш, жамиятда коррупцияга нисбатан муросасиз муносабатни шакллантириш;
   
2. 
   давлат ва жамият ҳаётининг барча соҳаларида коррупциянинг олдини олишга доир чора-тадбирларни амалга ошириш;
   
3. 
   коррупцияга оид ҳуқуқбузарликларни ўз вақтида аниқлаш, уларга чек қўйиш, уларнинг оқибатларини, уларга имкон берувчи сабаблар ва шарт-шароитларни бартараф этиш, коррупцияга оид ҳуқуқбузарликларни содир этганлик учун жавобгарликнинг муқаррарлиги принципини таъминлаш⁴¹.