Устоз Раҳимов Абдулбосит 2009-2010 Муқаддима

Ўзбекистон мусулмонлари идораси Мир Араб ўрта махсус ислом билим юрти 2-курслар учун
Тафсир фанидан қўлланма

Устоз Раҳимов Абдулбосит





2009-2010
Муқаддима
Аллоҳ субҳонаҳу ва талога У зотнинг улуғлигига муносиб ҳамду санолар бўлсин!
Аллоҳнинг охирги Расули Муҳаммад мустафога саловоту дурудлар бўлсин!
У кишнинг илмларини Ислом умматига етказган оли байтлари ва саҳобаларга Аллоҳнинг розилиги бўлсин!
Ушбу Тафсири Жалолайн китобини Устозимиз Абдулбосит домлонинг таклифларига биноан Мир Араб ўрта махсус билим юрти талабаси Қобилжон Юсупов ва унга ёрдамчи Алиев Обидхон, Мадаипов Аҳрордеклар томонидан ўттизинчи жузъи ўзбек тилига ўгирилди.
Азиз ўқувчилар!
“Тафсири Жалолайн (таржима)” китобини ўқиш жараёнида ўзингиз учун бирор фойдали нарса топсангиз Аллоҳ талодан деб, нуқсон ва камчилик учратсангиз каминадан деб билгайсиз.
Бу ишда бизга ёрдамчи бўлган барча азизларимизнинг ажру савобларини Аллоҳ таоло кўпайтириб берсин. Омин!
Жалолайн ҳақларида қисқача маълумот
Жалолайнларни тўлиқ исмлари: 1 - Жалолиддин Муҳаммад ибн Иброҳим ал - Маҳаллий аш - Шофиий Абу Абдуллоҳ (791 - 864 ҳ.с.); 2 - Имом Ҳофиз Жалолиддин Абдурраҳмон ибн Абу Бакр ал - Хузайрий ас - Суютий аш - Шофиий Абулфазл ( 849 - 911 ҳ.с.).
Жалолиддин Маҳаллий ҳижрий 791-йилда Қоҳирада туғулдилар.У киши “Каҳф” сурасидан “Нос” сурасигача сўнг “Фотиҳа” сурасини ҳам иафсир қилдилар.Лекин ушбу китобларига муқаддима ёзмаганлар.Унга тайинли ном ҳам бермаганлар. Бунга сабаб, ўлимлари келиб қолганлигидир.
Жалолиддин Суютий Маҳаллийнинг шогирдлари бўлиб ҳижрий 849 - йилда Қоҳирада туғилдилар.У кишининг илмдаги услуб, йўналишлари устозларига мос келгани учун ҳам қолган ишни мукаммал қилишга киришдилар.Сўнг “Бақара” сурасидан “Исро” сурасигача тафсир қилдилар.Унга қисқача муқаддимани зиёда қилганлар ва ушбу мукаммал яхлид ҳолга келган китобни “Тафсирул Қуръанил Карийм” деб номладилар. Аммо, икки шайхлар – Маҳаллий “Каҳф” сурасининг аввалидан ҳам, “Фотиҳа” сурасининг аввалидан ҳам “Басмала”нинг тафсийрига тўхталмаганлар.Суютий ҳам бирорта тафсир жузларида у ҳақда тўхталтиб ўтмадилар. Китоб номига келсак, инсонлар Маҳаллий ва у кишининг шогирдлари Суютийга “Жалолиддин”, деб лақаб қўйиб, ҳар иккала лақабни иккилик ҳолда тафсир китобига нисбат беришди.Шундай қилиб, “Жалолайн” бўлди. Аллоҳ у кишилардан рози бўлсин.Омин!