Услубий тавсия сузиш ва уни ўҚитиш методикаси

Нафас олиш. Сузувчи спортчи нафас олиш учун дастлаб элка камарини юқорига кўтариш керак. Бу ҳолат қўллар билан эшишни тугатиш пайтига тўғри келади. Худди шунда у оғиз очиб олиб нафас олади. Кейин юзни сувга ботириб бир оздан кейин оғиз- буриндан нафас чиқаради. Нафас олиш ва чиқариш мусобақа охирига қадар бир маромда, шу зайлда давом этиши лозим.
Крол усулида кўкракда сузиш. Крол-енг тез сузиш усули. Ҳақиқий спортча сузиш тахминан 19 аср охирларидан бошлаб юзага келган. Унгача сузиш узоқ тарихни босиб ўтган бўлса ҳам, ҳалқаро мусобақа шартлари асосда муайян усулларда спортда шунга тўғри келади. У пайтларда треджен усули ва брасс усули оммалашган эди. Треджен усулида сузувчи қўллари билан навбатма- навбат ҳаракат қилган худди крол усулидек, аммо оёқлар билан қайчидек ҳаракат қилган ва нафас олиш ихтиёри бўлган. Қўллар ҳаракатини батафсилроқ тасвирлайдиган бўлсак, бу қуйидагича бўлади: ўнг қўл ўнг элка рўпарасидан сувга ботирилади ва шу пайтда қўл тирсакдан хиёл букилади, олдин бармоқларни ёзиб панжани кейин билак ва ниҳоят элка сувга ботирилади. Сув тагида қўл олдинга узатилган бўлиши ва пастга қараб эшилиши, ярмисига келганда қўл тирсакдан букилади ва биқин ёнидан то сонгача сувни зўр бериб тортишда давом этилади. Эшиш ҳаракатларини бажараётганда бармоқлар бирлаштирилиб сувни иложи борича кўпроқ олиш учун юза ховуч қилинди. Шундай қилинганда сув қўллар учун таянч воситасини ўтайди ва одам гавдаси тезроқ илгарига сурилади. Крол усулида сузилганда одатда қўл билан икки марта эшишга, оёқ билан эса олти марта ҳаракатланишга улгуриш керак.
Оёқлар ҳаракати. Спортчи сузиб кетаётганда унинг оёқ ҳаракатларининг роли ҳам кўп нарсага боғлиқдир. Шу жиҳатдан улар ҳаракатларига ном берилган. Оёқларнинг пастки ҳаракат қилиши ишчи ҳаракати, юқорига ҳаракати эса тайёрланиш ҳаракати дейилаи. Уларнинг вазифалари ҳам ҳар хил. Ишчи ҳаракатлар гавдани олға силжишга хеч қандай таъсир кўрсатмайди.