Услубий тавсия сузиш ва уни ўҚитиш методикаси

Динамик сузиш. Маълумки сузувчининг сувда олға сари ҳаракатланиб бориши динамик сузиш дейилади. Уни амалга ошириш учун одатда сузувчи таъсир кучларини ҳосил қилиши керак. Бундай таъсир кучлар қоидага кўра 4 бўлади.
Оғирлик кучи.
Сувнинг кўтариш кучи
Тортиш кучи
Қаршилик кўрсатиш кучи
Булар орасида оғирлик кучи доимий гидростатик куч бўлиб қолади ва ўзгармайди, қолганлари эса сабаб ва вазиятларга кўра ўзгариб туради. Сузувчининг дастлабки ҳаракатлари унинг шахсий ички кучлари бўлиб, сувга таянишларида юзага келади. Ташқи кучларга эса гавданинг оғирлик кучи, гидростатик куч, гавдани итарувчи ҳамда сузувчининг сувда ҳаракатлар қилинишида хосил бўлувчи гидродинамика куч киради.
Ишқаланиш қаршилиги. Ишқаланиш қаршилиги деб сузувчи гавдаси ташқи юзасининг сув билан ўзаро таъсирига айтилади. Бу сувнинг қанчалик қовушқоқлигига боғлиқ. Ишқаланиш ташқи ва ички ишқаланишларга тафовут қилинади. Ташқи ишқаланиш бу гавда юзасининг унга тегиб турган сув қатлами ўртасидаги ишқаланишдир. Ишқаланиш кучи одатда гавда текис силлиқ бўлмаганда, сузиш либослари дағал матолардан тикилган бўлганда ошади. Ҳатто гавда туклари ҳам ишқаланиш кучини оширадики, буни яхши билган тажрибали спортчилар мусобақалар олдидан қўл-оёқларидаги тукларини қириб ташлайди.
Гирдоб қаршилиги. Спортчи зўр бериб олға ҳаракатланиб борар экан, олдидаги сув оқимини иккига ёриб боради. Сувлар эса икки ёнидан ва гардани узра ўтиб, орқа томонда қўшилади. Ўз- ўзидан тушунарлики, сузувчининг олдида сув босими ортиб, сув кўтарилади, орқада эса босим камайиб сув пасаяди. Бир қараганда орқа томондаги пасайган сув ва унинг босими аҳамиятсиздек туюлади, аслида эса ундай эмас. Бунинг ўз қонуниятлари бор.