Услубий тавсия сузиш ва уни ўҚитиш методикаси

Сувнинг физик хоссалари. Маълумки сузиш спортида сувнинг физик хоссалари деганда одатда, унинг қовушқоқлиги, зичлиги, унинг сиқиқлиги ва солиштирма оғирлиги тушунилади. Сувнинг қовушқоқлиги деганда сувнинг ҳаракатланишига кўрсатадиган қаршилиги тушунилади. Бошқача қилиб айтганда, бизга маълумки, сув ҳаракатланиш хусусиятига эга, мана шу ҳаракатланиш пайтида сув заррачалари ва қатламлари бир-бирига суркалиб боради. Бинобарин, қатламлар суркалганда, улар ўртасида ички ишқаланиш вужудга келади ва ишқаланиш эса ўз навбатида ҳаракатланишга қаршилик қилади. Мана шунда пайдо бўлган куч сувнинг қайишқоқлигидир. Сувнинг қовушқоқлиги одатда шу сувнинг кимёвий хоссасига ҳам, ҳароратига ҳам, бир қадар боғлиқдир. Сув ҳарорати қанча паст бўлса, унинг қовушқоқлиги шунча баланд бўлади. Сув ҳарорати 30 градус бўлганда уни қовушқоқлиги 20% га камайиши бизга маълум.
Сувнинг зичлиги. Сувнинг зичлиги деб хажм бирлигидаги массасига айтилади, бу бизга физикадан маълум 1 грамм сувнинг массаси ҳамиша ҳамма сувда бир эмас. Сув қанча шўр бўлса, ҳарорати шунча юқори, унинг массаси шунча кам бўлади, демак, зичлиги кам деган сўз. Чунончи ҳароратда 4 градусли чучук сувнинг зичлиги кубометр билан ўлчаганимизда 1000 кгм 3 га тенг. Шўр денгиз сувиники 1010-1030 кгм.
Сувнинг сиқиқлиги. Сувнинг сиқиқлиги одатда сув заррачалари ва қатламларининг бир- бирига кўрсатган босимидан келиб чиқади. Шу босим қанча кўп бўлса, сувнинг сиқиқлик ҳажми шунча кам бўлади. Ўз навбатида сувнинг сиқиқлигидан гидростатик босим кучи келиб чиқади. Ҳар қандай сув ҳатто тинч ҳолатда турганда ҳам унда оғирлик кучи бўлади. Бинобарин, гидростатик босим кучи сувга тушган одамнинг ҳамма эрига ўз таъсирини кўрсатади. Одам қулоғида пайдо бўладиган оғриқ мана шу босим таъсирида юзага келади.