Услубий тавсия сузиш ва уни ўҚитиш методикаси

Сувнинг солиштирма оғирлиги. Сувнинг солиштирма оғирлиги деганда, одатда гавда оғирлигининг шу гавда ҳажмидаги сув оғирлигига нисбати тушунилади. Бу фанда гҒсм3 билан ифодаланади. Шу сабабдан ҳам денгиз, океан сувларида чучук сувдагига қараганда қалқиб туриш нисбатан осон бўлади. Сув ҳарорати ортиб бориши билан унинг зичлиги, демак, унинг солиштирма оғирлиги камайиб боради. Одатда кимёвий жиҳатдан тоза дистрланган сув 4 градус ҳароратда энг юқори солиштирма оғирликка эга бўлади.
Статик ва динамик сузиш: Сувга тушган сузувчининг ҳамма томонига одатда, сувнинг босим кучи таъсир қилади, деб юқорида айтиб ўтдик. Одам сува қанча чуқур тушса, унга тазйиқ ўтказадиган босим кучи ҳам ортиб боради. Аммо, мана шу босим кучининг қай даражада юқори бўлиши гавданинг жойлашиш вазиятига ва сувнинг таркибига ҳам боғлиқдир. Чунки, одам гавдаси сувда горизонтал вазиятда бўлса, унга сувнинг кўтариш кучи катта ҳажмда, вертикал вазиятда бўлса, кичик ҳажмда таъсир қилади. Сувнинг таркиби ҳақида юқорида бир карра эслатиб ўтдик. Демак, сувдаги тинч турган сузувчига бир вақтнинг ўзида оғирлик кучи ва сувнинг кўтариш кучи таъсир қилади. Сузувчининг мана шундай кучлар таъсирида бўлиши статистик сузиш дейилади. Сувнинг ҳар томондан йўналган итарувчи кучларининг жам бўлиб йўналган нуқтаси сузувчанлик маркази дейилади. Бу марказ одатда сиқиб чиқарилган сувнинг зичлашган ҳажми марказига тўғри келади.
Гавда сузувчанлиги. Гавданинг оғирлик кучига ва сувнинг ўз итарувчи кучига қараб одам сувда у ёки бу даражада муаллақ қалқиб туради, мувозанат сақлай олади ёки чўкади. Гавда оғирлиги у сиқиб чиқарган гавда оғирлигидан кам бўлса у ҳолда гавда сув бетида, жуда бўлмаса сувнинг сал куйи қатламида қалқиб тура олиш қобилиятига гавданинг сузувчанлиги дейилади. Одатда, бу ҳам гавданинг солиштирма оғирлиги билан сувнинг солиштирма оғирлигига боғлиқ. Одамнинг сувда муаллақ туриши, бир қадар кўпроқ ҳаракатланишни талаб этади.