Услубий тавсия сузиш ва уни ўҚитиш методикаси

Ёпиқ бурилиш. Ёпиқ бурилиш икки хил усулда бажарилади. Унинг биринчи варианти иккинчи вариантдагидек бажарилади. Фақат бунда қўл деворга текканида бош сувда бўлади ва нафас олинмайди.
Брасс усулида сузишдаги бурилиш. Брасс усулида сузишдаги бурилишга тафовут қилинади, ҳар иккаласининг ҳам ўз усуллари бор. Шунга қарамай ҳаммасидан ҳам бурилиш пайтида бассейн деворига ҳар иккала қўл билан бир пайтда тегиш, таяниш ва силтаниш, танани горизонтал ҳолатда тутиш шарт.
Очиқ бурилиш. Очиқ бурилишнинг биринчи усулида бассейн деворига этиб келиб ҳозир айтганимиздек, иккала қўл билан тегилади ва иккала оёқни тиззадан, чаноқ сон бўғимидан, қўлларни тирсакдан букиб, деворга яқинлашилади. Сўнг сузувчи бир қўлини девордан олиб шу қўл томонга айлана бошлайди. Бунда бош ва элка билан кескин ҳаракат қилиб, айланишни тезлаштиришга ёрдам беради ва сув ичида нафас чиқарилади. Оёқлар девор томонга йўналади, бош сувдан хила чиқиб нафас олинади.
Чалқанча сузиш усулидаги бурилиш. Бу сузиш усулида энг кўп очиқ бурилиш усули қўлланилади. Бунда шарт шуки сузувчи то қўли бассейн деворига тегмагунича кўкрагига, яъни пастга қараб ағдарилиб олмаслиги керак, қайси қўл деворга биринчи бўлиб тегса, шу қўл тана буради. Бинобарин ўнг қўл тегса ўнг томонга, чап қўл тегса чап томонга бурилади. Бурилиш қайси ҳолда бўлмасин айланиш олдинги-орқа ўқ атрофида юзага келади. Энди бурилишнинг босқичларини тавсифлашга ўтамиз.
Деворга этиб келиш. Сузувчи бассейн деворига этиб келар экан, қайси қўл билан бўлмасин, тирсагидан букилган қўл билан сувнинг сатҳидан деворга тегинади ва кафтини бурадиган томонга қараб олади, танаси эса бу пайтда албатта, хали чалқанча ҳолатда туриши лозим. Бир қўли деворга текканда, иккинчи қўли сони ёнида бўлади.