Услубий тавсия сузиш ва уни ўҚитиш методикаси

Кўкракда крол усулида сузишда бурилиш. Маълумки сузиш усуллари ҳар хил бўлганидек бурилиш усуллари ҳам хар хил. Чунки сузиш усулига қараб одам сув устида, сувостида турли шаклларда турли амаллар қўллаб бурилишига тўғри келади. Крол усулида кўкракда сузганда ўнг томонга бурилиш усули қуйидагича. Сузувчи ҳовуз тахтасига яқинлашиб келаркан, шундай ҳаракат қиладики, чапга қараб нафас олганда чап қўлини сув устидан олдинга узатади, бошини сувга ботириб ҳовуз тахтасининг сув сатҳидан 15-20 см чуқурликдаги қисмига чап қўлини тегизади. Айни шу пайтда ўнг қўл охирги марта эшиб бўлади, шу туфайли сузиш тезлиги пасаймайди, сузувчи эса, ҳовуз тахтасига жуда ҳам яқинлашади: чап қўли тирсакдан эгилади. Шу билан бирга сузувчи оёқларини тез букиб кўкракка томон тортади ва осонгина бурилиш учун юмалоқ бўлиб олади. Эшишни тугатган ўнг қўл сувдан чиқарилмайди, балки кафт билан ҳовуз тахтаси томон бурилиб, эша бошлайди, юмалоқ шаклга келган гаваданинг бурилишига ёрдам беради. Шу вақтнинг ўзида тахтага таянган чап қўл сузувчининг гавдасини ўнгга айлантиради. Сузувчи иккала қўлининг кучи билан ўнгга тез бурилади ва букилган оёқ товонлари билан сув сатҳидан 15-25 см пастда тахтага босади. Ўнг қўл олдинга узатилади, унинг ёнига чап қўл келади, бош иккала қўл орасида бўлади. Сузувчининг иккала оёқ билан зўр бериб ҳовуз тахтасидан тепиниб 60-80 см чуқурликда гавдасини олдинга силжитади. Сув остида силжиш тезлигини пасайгандан кейин худди стартдагидек, қўли билан эшади.
Деворга этиб келиш. Сузувчи бассейн деворига этиб келар экан, унг ёки чап қўли билан деворга тиралиб танасини ёнга буради, бунинг учун у қўл панжасини сув сатхида ёки 10-15 см унда юқоридаги деворига тирайди. Кейин шу қўл тирсагидан букиб, танасини деворга яқинлаштиради. Оёқларини тизза ва чаноқ сон бўғимларидан букиб, уларни ҳам олдинга ҳаракат қилдиради. Шу билан босқич тугайди.