Ushbu yo‘nalishdagi faoliyatga e’tibor mamlakatimizda davlat siyosati darajasiga ko‘tarilgan

Jadidchilik harakati namoyondalari asarlariga mos ma’lumotlar bazasi. Bu tarkibiy qismda jadidchilik harakati namoyondalarining milliy tarbiya hamda milliy maktablar ochish to‘g‘risidagi fidoyiliklari to‘g‘risida ko‘plab ma’lumotlar to‘plandi. Bularda asosan quyidagi jadidchilik harakati namoyondalari asarlaridan ko‘proq foydalanildi: Abdulla Avloniy (1878-1931), Abdurauf Fitrat (1886-1938), Abduvohid Burxoniy Munzim (1875-1934), Mahmudxo‘ja Behbudiy (1875-1919), Munavvar Qori Abdurashidxonov (1878-1931), Muso Saidjonov (1893-1937), Saidnosir Mirjalolov (1884-1937), To‘lagan Xo‘jamyorov-Tavallo (1882-1937), Polvonniyoz Hoji Yusupov (1863-1936), Obidjon Mahmudov (1858-1936), Muhammad sharif Sufiyzoda (1869-1937), Ubaydulla Ho‘jaev (1880-1938), Saidho‘ja Siddiqiy (1864-1927), Abdulhamid CHo‘lpon (1897-1938), Ashurali Zohiriy (1885-1937), Abduqodir shokuriy (1875-1943), Boboohun Salimov (1883-1942), Ismoilbek G‘aspirali (1851-1914), Mirmuhsin shermuhammadov (1895-1929), Saidahmad Siddiqiy (1864-1927) va boshqalar.

Ishlab chiqarayotgan texnologik xaritalarning ma’naviy qismida beriladigan materiallarning hammasida azaldan qon-qonimizga singib ketgan adolat tantanasi, nohaqlikka va yovuzlikka nafrat o‘z ifodasini topgan. Bularning yana bir diqqatga sazovor joyi shundaki, ona diyorimizda yashagan barcha ulug‘ ajdodlarimiz: olimlar, shoirlar, yozuvchilar, tarixchilar, vatan va halq qahramonlari, davlat arboblari va rahbarlari doimo kelajak avlod va uning tarbiyasiga e’tibor berib kelganlar. Ular tomonidan jahonga mashhur bo‘lgan ko‘plab madrasalar, dorilfununlar va akademiyalar yaratilgan. Natijada ularda ta’lim-tarbiya topgan donishmandlarimiz jahon fani va madaniyatiga hamda barkamol avlod tarbiyasi rivojiga salmoqli xissa qo‘shganligining guvohi bo‘lamiz va bularni o‘rganish orqali bo‘lajak o‘qituvchilardagi milliy g‘urur va vatanparvarlik hissini yanada rivojlantiriladi.

3. 
   Motivatsiyalovchi qism. Bu tarkibiy qismga o‘qituvchilik kasbi haqidagi, uning jamiyatdagi o‘rni va nufuzi haqidagi donishmandlar hikmatlari, rivoyatlari, hikoyatlari, xujjatli filmlar kabi tarbiyaviy mazmundagi resurslar (zahiralar) joylashtiriladi. Ularga oid yig‘ilgan ma’lumotlar ta’lim jarayoniga tegishlisi alohida va tarbiya jarayonlaridagi foydalaniladiganlari alohida-alohida tizimlashtirilib, ular bo‘yicha ma’lumotlar bazasini shakllantirib qo‘yiladi.
   
4.