Ushbu kitobdan joy olgan hikoyalar

Atrofimizdagi olam bizning aksimiz, xolos.

MUNOSABAT

Qor yog’ardi. Atrof jimjit. Ikkita qor parchasi havoda uchib asta pastga tusha boshladi. Yaqinlashganda gaplashib qolishdi.Shamol bir – biridan uzoqqa olib ketmasligi ketmasligi uchun qo’llarini ushlab olishdi. Bir qor parchasi quvnoq ohangda dedi:

-Parvoz zavqi naqadar yoqimli – a?!

- Biz uchmayapmiz, shunchaki qulayapmiz, - dedi ikkinchisi mahzun.

- Hademay yer bilan to’qnashamiz va oppoq yumshoq ko’rpaga aylanamiz.

- Yo’q, biz halok bo’lamiz. Yerda bizni toptab tashlashadi.

- Biz jilg’a bo’lib dengizga borib quyilamiz. Biz mangu yashaymiz, - dedi birinchisi.

- Yo’q, biz erib yo’q bo’lib ketamiz, - e’tiroz bildirdi ikkinchisi.

Nihoyat ular bahsdan charchadilar va qo’llarini qo’yib yubordilar. Har qaysisi o’zi tanlagan qismat sari uchib ketdi.