Urganch davlat universiteti turizm va iqtisodiyot fakulteti turizm va mehmonxona xo

O’ZBEKISTON RESPUBLIKASI OLIY VA O’RTA MAXSUS TA’LIM VAZIRLIGI

URGANCH DAVLAT UNIVERSITETI
TURIZM VA IQTISODIYOT FAKULTETI
«TURIZM VA MEHMONXONA XO’JALIGINI TASHKIL QILISH » KAFEDRASI


«Turistik firmalar monitoringi»
FANIDAN
O`QUV-USLUBIY MAJMUA

Bakalavriat yo`nalishlari:

Bilim sohasi:	600 000	– Xizmatlar sohasi
Ta’lim sohasi:	610 000	– Xizmat ko`rsatish sohasi
Mutaxassislik:	5610300	– Turizm (xalqaro va ichki turizm)
	5610200	- Mehmonxona xo'jaligini tashkil etish va boshqarish

Mundarija:

1.“Turistik firmalar monitoringi” fanining predmeti va vazifalari

2.Turistik firmalarda monitoring o‘tkazish asoslari
3.Turistik firmalar mahsulot va xizmatlarini monitoring qilish
4.Turistik firmalar investitsion faoliyatini monitoring qilish
5.Turistik firmalar monitoringini amalga oshirishda nazoratning roli
6.Turistik firmalarni monitoring qilishda reklama faoliyati
7.Turistik firmalarda internet-monitoring
8.Turistik firmalar monitoringining xorijiy tajribalari

KIRISH

Mamlakatning ijtimoiy – iqtisodiy rivojlanishida aholiga xizmat ko‘rsatuvchi sohalarning o‘rni va roli g‘oyat sezilarli bo‘lib, bunda turizmning ahamiyati boshqa xizmat ko‘rsatish sohalariga qaraganda yuqori sur’atlar darajasida rivojlanishi bilan belgilanadi. Shuning uchun ham keyingi yillarda O‘zbekistonda turizmni rivojlantirish bilan bog‘liq bo‘lgan masalalarga katta e’tibor berilib, uning turistik salohiyatidan samarali foydalanish yo‘llari shakllanmoqda.

Buni shundan ham anglash mumkinki, keyingi yillarda uni rivojlantirish va takomillashtirishga qaratilgan O‘zbekiston Respublikasi Prezidenti va Hukumatining bir qancha farmon va qarorlari, viloyatlarda esa uning ijrosini ta’minlashga bag‘ishlangan qarorlari qabul qilindi. Bular jumlasiga «O‘zbekiston Respublikasida 2006-2010 yillarda xizmat ko‘rsatish va servis sohasini rivojlantirishni jadallashtirish chora-tadbirlari to‘g‘risida»gi qarorini kiritish mumkin. Ushbu qaror bilan xizmat ko‘rsatish, servis va turizm sohasini rivojlantirishning mamlakatimiz va hududlar bo‘yicha aniq dasturlari ham tasdiqlangan. Bulardan ham ko‘rinib turibdiki, ushbu sohada faoliyat yuritadigan sub’ektlar soni keskin o‘sadi, ular ko‘rsatadigan xizmatlarning sifati esa zamon talabiga mos ravishda oshadi.
Ma’lumki, turistik xizmat ko‘rsatish va tashkil etishda turistik fimalarning o’rnivasosiy o‘rinda turadi. "Turizm to‘g‘risida"gi qonun bo‘yicha o‘z turistik mahsulotini shakllantiradigan va unga o‘z yo‘llanmasini chiqaradigan tashkilot turistik firmalar hisoblanadi. Hozirgi kunda turizm sohasi bo‘yicha mutaxasislarni talab darajasida tayyorlash muhim masaladir. Shunga ko‘ra respublikamizda mazkur sohani rivojlantirish maqsadida 2004 yildan boshlab Samarqand iqtisodiyot va servis institutida «5810600 - Turizm operatorlik xizmatini tashkillashtirish» ta’lim yo‘nalishi, Urganch Davlat universiteti Turizm va Iqtisodiyot fakulteti Turizm va mehmonxona xo’jaligini boshqarish kafedrasida ,, Turistik firmalar monitoringi’’ fani o’qitilmoqda.
Mazkur ta’lim yo‘nalishining o‘quv rejasiga « Turistik firmalar monitoringi’’ » fani kiritilgan bo‘lib, mazkur fanda turistik firmalar faoliyatining asosiy mazmuni o‘rgatiladi. Mazkur yaratilgan o’quv qo’llanma birinchi galda turizm yo‘nalishlarida tahsil olayotgan talabalarga mo‘ljallangan.