Urganch davlat universiteti «pedagogika va psixologiya» kafedrasi

Moslik prinsipi – ta’lim-tarbiya jarayonini talabaning bilim o‘zlashtirish qobilyati, xotirasi va aqliy kuchlari o‘sishiga mos kelishini nazarda tutadi. Bilim oluvchining o‘qishga bo‘lgan xohish va qiziqishi moslik prinsipining ko‘rsatkichi hisoblanadi.
Jadallik prinsipi – o‘quv-biluv vazifasini tezroq va yuqoriroq darajada ro‘yobga chiqarishni, oz vaqt va kam kuch sarflab, ko‘proq samaraga erishishni nazarda tutadi. Talabaning bilim o‘zlashtirish tezligi jadallik prinsipining ko‘rsatkichi hisoblanadi.


OLIY TA’LIM MAQSADI – chuqur fundamental bilimga va amaliy tayyorgarlikka ega bo‘lgan keng ixtisosli mutaxassislarni tayyorlash. U institut, universitet va akademiyalarda amalga oshiraladi
Oliy ta’limning maqsadi ob’ektiv harakterga ega bo‘lib, O‘zbekistonda demokratik, fuqarolik jamiyatini qurish, mamlakatimizni bozor iqtisodiyoti qonunlari asosida rivojlangan davlatga aylantirish ehtiyojlaridan kelib chiqadi. Bu ehtiyojlar davlat buyurtmasi sifatida Ta’lim to‘g‘risidagi qonun (1997) va Kadrlar tayyorlash milliy dasturida, Prezidentimizning asarlari, nutqlarida ifodalanadi.
O‘zbekistonda oliy ta’limni isloh qilish maqsadi - oliy ta’limning tuzilishi, mazmuni, shakl va usullarini tubdan o‘zgartirish, uni o‘tmishdan qolgan mafkuraviy qarashlardan to‘la xalos etish asosida, rivojlangan demokratik davlatlar darajasida, yuksak ma’naviy va axloqiy talablarga javob beruvchi, yuqori malakali mutaxassislarni tayyorlashdan iborat.
4. O‘zbekiston Respublikasida oliy ta’lim ikki bosqichli qilib tashkil etiladi. Birinchi bosqichi - bakalavriat (kamida 4 yillik), ikkinchi bosqichi - magistratura (kamida 2 yillik) shaklida isloh etiladi. Oliy ta’lim muassasalariga talabalar qabul qilish davlat grantlari va pullik - shartnomaviy asosda amalga oshiriladi. Fuqarolar ikkinchi oliy ma’lumotni shartnoma asosida olish huquqiga ega.

O‘zbekiston Respublikasida oliy ta’limning asosiy vazifalari:

- davlat ta’lim standartlariga muvofiq ilg‘or, zamonaviy ta’lim va kasb- hunar dasturlari asosida ta’limni tashkil etish;
- O‘zbekistonning iqtisodiy, ijtimoiy rivojlanish istiqbollari, demokratik jamiyat qurish talablariga binoan fan, texnika, ilg‘or texnologiyalar, iqtisodiyot va madaniyatning zamonaviy yutuqlari asosida kadrlarni o‘qitish va tarbiyalash usullarini muntazam takomillashtirish;
- talaba yoshlarni mustaqillik mafkurasi, milliy istiqlol g‘oyasi, umuminsoniy va milliy qadriyatlarni egallashi asosida vatanparvarlik, insonparvarlik ruhida tarbiyalash;
- o‘quv amaliyotiga ilg‘or pedagogik va axborot texnologiyalarini kiritish, ta’limni individuallashtirish, masofaviy ta’lim vositalari bilan ta’minlash;
- ta’lim, fan va ishlab chiqarish birlashuvining amaliy tizimlarini ishlab chiqish va amaliyotga kiritish;
- ilmiy-pedagogik kadrlar va iqtidorli talabalarning ilmiy-ijodiy faoliyatlari orqali fan, texnika va texnologiyalarni rivojlantirish;
- davlat va nodavlat ta’lim muassasalarini rivojlantirish asosida ta’lim xizmatlari bozorida raqobatli muhitni yaratish;
- oliy ta’lim muassasalari boshqaruvini takomillashtirish, ular mustaqilligini kengaytirish; ta’sischilar, vasiylar, jamoat kuzatuvi nazorati shaklida yangi jamoat boshqaruvini shakllantirish;
- oliy ta’lim sohasida rivojlangan mamlakatlar bilan foydali xalqaro hamkorlikni rivojlantirish.
3. O‘zbekiston Respublikasida oliy ta’lim muassasalarining uchta turi joriy etilgan: universitet, akademiya, institut.