Urganch davlat universiteti pedagogika fakulteti

Kurs ishining maqsadi: Pedagogik jarayonni boshqarishda va tashkil etishda texnologiyalarni samarali qo’llay olish va shu asosda ilmiy-metodik tavsiyalar ishlab chiqish. Pedagogik jarayonlarni to’g’ri rejalashtirish qonuniyatlarini o’rganish.

Kurs ishining ob'ekti: Ta`lim jarayonini texnologiyalashtirishda uning o'rni va ahamiyatini o'rganishga qaratilgan ta'lim faoliyati. Tadqiqotning predmeti: Pedagogik jarayonni tashkil etish va boshqarishda texnologiyalarning mazmuni, shakli va usullari.

Kurs ishining vazifalari:

- pedagogik, psixologik va turli metodik adabiyotlardan muammoning o'rganilganlik holatini aniqlash hamda ta`lim jarayonini pedagogik texnologiyalar asosida o'qitishning dolzarbligini asoslash;

- ta`lim jarayonini pedagogik texnologiyalar asosida o'qitishning pedagogik faoliyati mazmunini ishlab chiqish;

- ta`lim jarayonini pedagogik texnologiyalar asosida tashkil qilishning pedagogik faoliyati sifatida o'ziga xos xususiyatlarini o'rganish;

- ta`lim jarayonida pedagogik texnologiyalarning turli usullaridan foydalanib ko'rish va eng samarali usullarni tahlil qilish;

- ta`lim jarayonida pedagogik texnologiyalarning ta'lim sifati va samaradorligini oshirishga qaratilgan usullarini aniqlash va zaruriy tavsiyalar ishlab chiqish.

Kurs ishining metodologik asosi: Mustaqil O`zbekiston Respublikasida amal qiladigan uzluksiz ta`limtarbiya tizimining nazariy asoslari, qonuniyat va prinsiplari, o`ziga xos yo`nalishlari ta`lim-tarbiya jarayonining shakllanishi, tarixiy taraqqiyot bosqichlarini o`rgatuvchi fanlar, Jahon va Sharq pedagogik tafakkuri durdonalarini mujassamlashtirgan manbalar, ilmiy asarlari, sharqona ta`lim-tarbiya vositalari va metodlarini o`z ichiga olgan manbalar, O`zbekiston Respublikasining Konstitutsiyasi, O`zbekiston Respublikasining «Ta`lim to`g`risda»gi Qonuni hamda «Kadrlar tayyorlash milliy dasturi», «2004-2009 yillarda maktab ta`limini rivojlantirish Davlat umummilliy dasturi», dialektik bilish nazariyasi e`tirof etiladi.