Uo‘K: 53(072) kbk

5.52. Ko‘chma transformator nimstansiyasi 
(K.t.n.)
 – Передвижная 
трансформаторная подстанция – Mobile transformer substation – 
0,4; 
6; 10 kV nominal kuchlanishli, sanoat chastotali uch fazali o‘zgaruvchan tok 
elektr energiyasini qabul qilish va taqsimlash qurilmalari majmuasi. K.t.n. 
qurilish davrida vaqtinchalik foydalanish, kapital ta’mirlash yoki statsionar 
nimstansiya ishdan chiqqanda zahira sifatida qo‘llaniladi. K.t.n. qurilmalari 
60 t yuk ko‘tarishga mo‘ljallangan to‘rt g‘ildirakli platformada 

---

175
joylashtiriladi. K.t.n. poyezd tarkibida tezligi 90 km/s oshmagan holatda 
transportirovka qilinishi mumkin. Platformada 0,4; 6; 10 kV kuchlanishga 
mo‘ljallangan transformatorlar va taqsimlash qurilmalari joylashtirilgan. 
K.t.n. ning yuqori kuchlanishli tomoni himoyalovchi to‘siq bilan 
chegaralangan. K.t.n. ga va undan iste’molchilarga elektr energiyasi havo va 
kabel liniyalari orqali uzatiladi.
Elektr energiyasi manbai K.t.n.ga uning 0,4; 6 va 10 kV kuchlanishli 
tomonidan berilishi mumkin. K.t.n. iste’molchilarni bir tomonlama elektr 
energiyasi bilan ta’minlash uchun mo‘ljallangan bo‘lib, elektr energiyasining 
boshqa manbalari bilan parallel ishlashi nazarda tutilmagan. 6 yoki 10 kV li 
liniyalarni tezkor yoki avariya natijasida uzish kichik hajmli moyli uzgichlar 
yordamida amalga oshiriladi. K.t.n. da 6 va 10 kVli taqsimlash qurilmalarida 
kuchlanish nazorati va releli himoya amalga oshiriladi. K.t.n. ni qisqa 
tutashishdan himoyalash va 0,4 kV li liniyani tezkor ravishda almashlab 
ulash uchun avtomatik uzgichlardan foydalaniladi. 
K.t.n.ning o‘z ehtiyojlari va yoritish zanjirlari 220 V kuchlanishli 
o‘zgaruvchan tok, himoya va boshqaruv zanjirlari esa 110 V kuchlanishli 
o‘zgarmas tok avtonom manbaidan yoki nimstansiya 0,4 kV li shinasiga 
ulangan to‘g‘ilagich sxemasidan ta’minlanadi.