Умурзоқов, А. Тошбоев

Асосий воситаларни сақлаш (14-устун)-Ўзбекистон Республикаси Вазирлар Маҳкамасининг 469-сонли қарорига мувофиқ, 1997 йил 1 январдан 5-гуруҳга бирлаштирилди ва гуруҳлар бўйича асосий фондларнинг йиллик амортизацияси нормалари қуйидагича ҳисобланади:

• 
  бино, иншоот ва қурилмалар 5 фоиз;
  
• 
  енгил автобуслар, такси, йўллардан фойдаланиш учун мўлжалланган автотехникалар, махсус қурилмалар, инвентар ва мосламалар, компьютерлар, маълумотларни қайта ишлашга мўлжалланган мослама ва ускуналар ҳамда қуйма ишлаб чиқариш, темир- прессловчи, қурилиш, қишлоқ хўжалиги машина ва асбоб-ускуналари, идора учун мебел 15 фоиз;
  
• 
  автомобиль транспортининг ҳаракат қилувчи қисми, юк ташиш автомобиллари, автобуслар, махсус автомобиллар ва автоприцеплар. Саноатда барча тармоқлардаги машина ва асбоб-ускуналар ҳамда қуйма ишлаб чиқариш, темир-прессловчи, қурилиш, қишлоқ хўжалиги машина ва асбоб-ускуналари, идора учун мебель 15 фоиз.
  
• 
  бошқа гуруҳларга киритилмаган амортизацияланадиган (эскирадиган) активлар 10 фоиз.
  
• 
  темир йўл, денгиз, ҳаво транспорти воситалари, куч машиналари, иссиқлиқ техникаси, трубина асбоб-ускуналари, электро-двигателлар ва дизель генераторлар, электр узатиш ва алоқа мосламалари 8 фоиз. Юқорида кўрсатилган фоизларнинг ҳисоб-китобини қилиш учун хўжаликнинг 1997 йил ҳисобидаги асосий воситалар ҳаракати тўғрисидаги 3- жадвал 12-устун йил охирида қолдиқ олиниб, унга 1998 йилда олинадиган асосий воситалар, қишлоқ хўжалик машиналари ва инвентарлари қиймати қўшилиб, умумий қиймат
  

аниқланади ва гуруҳлар бўйича йиллик амортизация нормалари фоизи ва суммаси ҳисобланади ҳамда ҳар бир техниканинг қишлоқ хўжалик экин турлари бўйича бажарилган иш ҳажмларига мутаносиб равишда тақсимланиб маҳсулот таннархига қўшилади ва 14- устунга қўйилади.
Ишлар ва хизматлар 15-устун – Хўжаликларга шартнома асосида хизмат кўрсатаётган ташкилотлар ва корхоналар хизмати учун тўланадиган харажатлар, сув таъминоти хўжаликларидан суғориш ва бошқа мақсадларга олинган сув учун тўланадиган пул маблағлари, хўжалик ичидаги ёрдамчи корхоналарнинг кўрсатган хизматларига тўланган харажатлар ҳисоб-китоби, ҳисоб-китоб йилидаги ҳақиқий харажатлардан келиб чиққан ҳолда белгиланади.