Умурзоқов, А. Тошбоев

Қонуннинг 8-моддаси фермер хўжалигининг Низоми тўғрисида бўлиб, уставнинг моҳияти, мазмуни, фермер хўжалигини бошқариш, ишлаб чиқаришни ташкил этиш, фермернинг ҳуқуқ ва мажбуриятлари, хўжаликни қайта ташкил этиш ёки тугатиш билан боғлиқ бўлган масалаларни ҳал этиш бўйича Вазирлар Маҳкамасининг 2004 йил 30 октябрдаги 476-сонли қарори билан «Фермер хўжалигининг намунавий Низоми» тасдиқланган. Ушбу ҳужжат орқали ҳар бир фермер ўзининг шароити, ихтисослигини ҳисобга олган ҳолда фермер хўжалигининг Низомини қабул қилади.
Қонуннинг 23-моддасида Ишловчиларни меҳнатга жалб қилиш, ҳақ тўлаш, суғурта бадалларини тўлаш каби умумий қоидалар белгиланган. Уларни қандай расмийлаштириш ва амалга ошириш бўйича «Меҳнат кодекси»дан ҳамда Вазирлар Маҳкамасининг 2004 йил 30 октябрдаги 476-сонли қарори билан «Фермер хўжалиги ходимларини ёллаш тўғрисидаги намунавий шартнома» тасдиқланган ҳужжатдан фойдаланилади.
Фермер хўжалиги томонидан етиштирилган маҳсулотларни сотиш, моддий таъминот ва сервис хизмат кўрсатувчи ташкилотлар билан бўладиган иқтисодий муносабатлари
«Фермер хўжалиги тўғрисида»ги Қонунда белгиланган бўлиб, уни ташкил этиш тартиби Вазирлар Маҳкамасининг 2004 йил 30 октябрдаги 476-сонли қарори билан тасдиқланган
«Намунавий контрактация шартномаси», «Моддий-техника ресурслари етказиб беришга намунавий шартнома», «Хизматлар кўрсатишга (Ишларни бажаришга) намунавий шартнома» ҳужжатларида акс эттирилган.
Фермер хўжалиги фаолиятини юритиш жараёнида қўлланадиган меъёрий ҳужжатлардан фойдаланишда биринчи навбатда қонунларни ҳаётга татбиқ этиш бўйича Вазирлар Маҳкамасининг қарорлари билан тасдиқланган ёки Адлия вазирлиги томонидан рўйхатга олинган қонун ости ҳужжатларини ўрганиб чиқишлари ва тегишли модданинг асл моҳиятини билиб олиши лозим. Ундан кейин ўзининг ҳуқуқ ва мажбуриятларини талаб қилишлари мумкин.