Умурзоқов, А. Тошбоев

БОБ. ФЕРМЕР ХЎЖАЛИГИДА ДОН ВА ПАХТА ЕТИШТИРИШ АГРОТЕХНОЛОГИЯСИ ҲАМДА ЧОРВАЧИЛИК ФАОЛИЯТИНИ ТАШКИЛ ЭТИШ

1. Пахта етиштириш ва унинг агротехнологияси

Ғўза, асосан, тола учун экилади. Ундан 150 дан ортиқ маҳсулот олинади. Айниқса, пахтадан тўқимачилик, озиқ-овқат саноатига хом ашё, чорва молларига озуқа тайёрланади. 1 тонна пахтадан 320-380 кг тола, 10-14 кг момиқ, 10-12 кг ўлук ва 600-640 кг чигит олинади. Чигитдан эса, инсон истеъмол қиладиган 100-120 кг ёғ, чорвага 210-230 кг кунжара, 170-180 кг шелуха чиқади. Толасидан эса 300 м мато, 8000 м полотно, 1200 м чит, 2000 м батист ёки 140000тагача ғалтак ип олиш мумкин. Бундан ташқари, совун, спирт, маргарин, глицерин, мой маҳсулотлари, лимон ва олма кислоталари, атир-упалар, целлюлоза, целофан, картон, қоғоз, глюкоза, лак, бўёқ, алиф, доривор препаратлар, оқсил, ачитқи ва бошқа нарсалар тайёрланади. 1 т шелухадан 85 л спирт, 20 кг карбон кислота, 20 кг сирка кислота, 3-4 кг елим, 55 кг хамиртуруш олиш мумкин.

13.1-жадвал. Республикада пахта етиштириш кўрсаткичлари таҳлили

Экин майдони, минг га	1877,1	1830,1	1444,5	1472,3	1447,5	77,1
Ялпи ҳосил, тонна	6237,1	5051,0	3002,0	3749,0	3600,0	57,7
Ҳосилдорлик, ц/га	33,2	27,6	20,7	25,4	25,0	75,3

Республика бўйича пахта етиштириладиган экин майдонлари 1980 йилда 1877,1 минг гектар бўлган бўлса, 2006 йилга келиб 1447,5 минг гектар ёки 429,6 минг гектар ер қисқартирилиб, дон етиштиришга ажратилди. Ҳосилдорлик 33,2 ц/га ўрнига 25,0 ц/га бермоқда. Шунинг учун ялпи маҳсулот ҳажми ҳам камайган. Пахта етиштириш учун сарф- харажатлар таркибини қуйидаги диаграммада кўриб чиқамиз.

1-расм. Сурхондарё вилоятида 2006 йилда пахта етиштириш учун кетган сарф-