Умурзоқов, А. Тошбоев

Умум хўжалик фаолиятидан олинган фойда ёки зарар. Бу асосий фаолиятдан олинган фойда суммаси плюс молиявий фаолиятдан олинган даромадлар ва минус кўрилган зарарлар сифатида аниқланади.

УФ=АФФ+МД-МХ

Бунда: УФ – умумхўжалик фаолиятидан олинган фойда; МД – молиявий фолиятдан олинган даромад;
МЗ – молиявий фаолиятдан кўрилган зарарлар.

4. 
   Солиқ тўлангунгача олинган фойда. Бу умумхўжалик фаолиятидан олинган фойда плюс фавқулодда (кўзда тутилмаган) вазиятлардан кўрилган фойда ва минус зарарлар сифатида аниқланади.
   

СТФ=УФ+ФФ-ФЗ

Бунда: СТФ – солиқ тўлангунгача бўлган фойда;
ФФ – фавқулодда вазиятлардан олинган фойда; ФЗ – фавқулодда вазиятларда кўрилган зарар.

5. 
   Йилнинг соф фойдаси. Бу солиқ тўлагандан кейин хўжалик юритувчи субъект, яъни корхона (фирма) ихтиёрида қоладиган ҳамма хўжалик субъекти мустақил тасарруф этадиган фойда. Уни солиқлар тўлангунга қадар бўлган фойдадан, даромаддан солиқни ҳамда қонун ҳужжатларида назарда тутилган бошқа солиқлар ва тўловларни чиқариб ташлаган ҳолда аниқланади.
   

СФ=СТФ-ДС-БС

Бунда: СФ – соф фойда;
ДС – даромад (фойда)дан тўланадиган солиқлар; БС – бошқа солиқлар ва тўловлар.
Хўжалик юритувчи субъектлар, яъни корхона (фирма)лар томонидан хўжалик фаолиятини амалга ошириш натижасида олинадиган даромадларнинг манбалари қуйидагилар:
а) сотишдан олинган соф тушум;
б) асосий фаолиятдан олинган бошқа даромадлар (операция даромадлари); с) молиявий фаолиятдан олинган даромадлар;
д) фавқулодда даромадлар.
Корхона даромадининг асосий манбаси – маҳсулот(иш, хизмат)ларни сотишдан келиб тушадиган пул тушумидир.

6.