Umumiy va noorganik kimyo

LABORATORIYA ISHI №2b.

METALLAR KORROZIYASI VA UNDAN SAQLANISH USULLARI.

Ishning maqsadi: Metallar korroziyasi va undan saqlash usullari, korroziyani tezlatuvchi va sekinlatuvchi omillar bilan tanishish.

Kerakli asbob va reaktivlar: Tirsakli shisha nay, probirkalar, mis lentasi, rux, alyuminiy metali, 0.1 n sulfat kislota, mis sulfat, natriy xlorid eritmasi, qizil qon tuzi, ruxlangan temir va qalaylangan temir plastinkalar.

Tajriba № 1. Metallarni kislotada erish jarayoniga galvanik juft hosil bo’lishining ta’siri.

CuSO₄ eritmasidan 2-3 ml quyilgan probirkaga rux bo`lakchasini soling, 4-5 daqiqadan so`ng eritmani to`king va mis bilan qoplangan ruxni suvda ehtiyotlik bilan bir necha marta yuving. Ikkita probirkaga 3-4 ml dan xlorid kislota eritmasi quyib, probirkalardan biriga mis bilan qoplangan rux bo`lakchasini, ikkinchisiga esa toza rux bo`lakchasini soling. Probirkalarning qaysi birida vodorod kuchli ajralib chiqadi? Nima sababdan?

Tajriba № 2. Metall qoplamalarning himoya usullari. Anod va katod qoplamalar.

Ikkita probirkaning har biriga sulfat kislota eritmasidan 4-5 ml, qizil qon tuzi K₃[Fe(CN)₆] eritmasidan esa 2 tomchi quying. Probirkalardan biriga rux bilan qoplangan temir, ikkinchisiga qalay bilan qoplangan temir plastinkalarni tusuring. Probirkalarning qaysi birida (bir necha daqiqadan keyin) to’q trumbul rang paydo bo’ladi? Sodir bo`ladigan jarayonlarni batafsil tushuntirib bering, reaksiya tenglamasini yozing.