Umumiy va noorganik kimyo

Mis-rux galvanik elementining elektrokimyoviy sxemasi:

e^-

«A»(-)Zn/ZnSO₄ // CuSO₄/Cu(+)«K»

Bu yerda: «A» - anod, «K» - katod.

Bu galvanik element ishlaganda elektronlar oqimi tashqi zanjir orqali rux elektrodidan (anoddan) mis elektrodiga (katodga) o`tish natijasida rux elektrodda oksidlanish jarayonlari sodir bo`ladi, mis elektrodida esa qaytarilish jarayonlari sodir bo`ladi. A(-): Zn⁰ – 2e = Zn⁺² oksidlanish jarayoni

K (+): Cu⁺² + 2e = Cu⁰ qaytarilish jarayoni

Zn⁰ + Cu⁺² = Zn⁺² + Cu⁰ yoki Zn + CuSO₄ = ZnSO₄ + Cu

Galvanik elementda oksidlanish jarayoni boradigan elektrod-anod, qaytarilish jarayoni boradigan elektrod esa-katod deyiladi. Ikkita elektrod orasidagi potensiallar ayirmasiga galvanik elementning elektr yurituvchi kuchi (e.yu.k) deyiladi.

= 0.34+0.76=1.1 b

Metallarning elektrod potensiali metallning xossasiga, eritmadagi metall ionining konsentratsiyasiga va temperaturaga bog`liqdir. Bu bog`lanish Nernst-Tyurin tenglamasi bilan ifodalanadi:

Bu yerda: E_Me – metallning elektrod potensiali;

E_Me⁰ – metallning normal elektrod potensiali;

n – metallning bir atomi beradigan elektronlar soni;

C – eritmadagi metall ionlarining konsentratsiyasi, g – ion/l.

Metallarning normal elekrod potensiallarining algebraik qiymatlari ortib borishi tartibida yozilsa, metallarning kuchlanishlar qatori hosil bo’ladi. (7-jadval).