Umumiy o‘rta ta’lim maktablarida “Zakovat” intellektual klubini tashkil etish bo‘yicha

Umumiy o‘rta ta’lim maktablarida
“Zakovat” intellektual klubini tashkil etish bo‘yicha


YO‘RIQNOMA


Kirish

Iqtidorli yoshlarning mantiqiy bilimlarini oshirish, ularni saralash va intellektual o‘yinlarga keng jalb qilish, ushbu o‘yinlar tashkil qilinishini davlat tomonidan qo‘llab-quvvatlash va zarur shart-sharoitlar yaratish, shuningdek, aholining intellektual salohiyatini yuksaltirish maqsadida 2022 yil 20 yanvarida O‘zbekiston Respublikasi Prezidentining PQ-96-son qarori qabul qilingan. Ushbu qarorda umumiy o‘rta ta’lim maktablarida bosqichma-bosqich “Zakovat” intellektual klublari faoliyatini yo‘lga qo‘yish belgilangan.

Ushbu qo‘llanma Xalq ta’limi vazirligi va “Zakovat intellektual klubi” nodavlat notijorat tashkiloti bilan hamkorlikda tayyorlanib, umumiy o‘rta ta’lim maktablarida “Zakovat” intellektual klubini tashkil qilish bo‘yicha tavsiyalarni o‘z ichiga olgan.
Umumiy o‘rta ta’lim maktablarida “Zakovat” intellektual klubi (keyingi o‘rinlarda – Klub) o‘quvchilarni mantiqiy fikrlashga o‘rgatish, olgan bilimlarini mustahkamlash, jamoada ishlash, o‘zaro muhokamalarda samarali ishtirok etish, o‘z fikrini asoslash ko‘nikmalarini rivojlantirish, ko‘proq kitoblar o‘qishga qiziqtirish maqsadlarida tashkil qilinadi.

1. 
   Umumiy o‘rta ta’lim maktablarida Klub tashkil etish talablari
   

Umumiy o‘rta ta’lim maktablarida Klub maktab o‘quvchilarini belgilangan paytda yig‘ilgan holda turli intellektual o‘yinlarni o‘ynash va musobaqalarni tashkil qilish uchun yetarli shart-sharoitlarga ega bo‘lishi kerak. Buning uchun Klubda quyidagilar mavjud bo‘lishi maqsadga muvofiq:

1. 
   Klub uchun xona – klub a’zolarini yig‘ilishi, turnirlarni o‘tkazilishi uchun zarur jihozlarni saqlanuvchi joy. Maktab sharoitidan kelib chiqib, bu maqsadda alohida xona ajratilishi tavsiya etiladi
   
2. 
   Klub musobaqalari o‘tkazish uchun joy – faollar zali, sport zali, kutubxona, oshxona, kattaroq sinfxona.
   
3. 
   Klub a’zolari musobaqalari uchun stol, parta va stullar.
   
4. 
   Klub musobaqalarini o‘tkazish paytida kerak bo‘luvchi ruchka va qog‘oz.
   

Yuqorida sanab o‘tilgan jihozlar Klub faoliyatini doimiy olib borish uchun yetarli. Shu bilan birgalikda Klub uchun ovoz kuchaytirgich, mikrofon, proyektor ajratilishi maqsadga muvofiq.

5. 
   Klub koordinatori maktabdagi klub o‘z faoliyatini boshlayotgani haqida ta’lim muassasida o‘tkaziladigan ommaviy tadbirlarda, pedagogik kengashlarda ma’lum qilishi va e’lonlar doskasida 1-ilovaga muvofiq e’lon berishi kerak.
   

2.