Umumiy o‘rta ta’lim maktablarida “Zakovat” intellektual klubini tashkil etish bo‘yicha

Klub koordinatori

Klub faoliyatini doimiy tashkil qilish uchun maktab direktori buyrug‘i bilan Klub Koordinatori tayinlanishi kerak. Klub koordinatorligiga intellektual o‘yinlar o‘tkazishga salohiyati yetarli, Klubni doimiy faoliyatini yo‘lga qo‘yishni o‘z zimmasiga oluvchi, ushbu sohaga qiziquvchi o‘qituvchi tayinlanishi mumkin.

Klub koordinatori bo‘lgan o‘qituvchiga direktor jamg‘armasi hisobidan bir oylik mehnatga haq to‘lash fondining 50 foizi miqdorida bir martalik ustama to‘lab beriladi.
Klub koordinatori vazifalari:
– Intellektual o‘yinlarda qatnashish istagi bo‘lgan maktab o‘quvchilarini to‘plash va Klubga a’zolikka qabul qilish;
– Klub a’zolari intellektual salohiyatini rivojlantirish bo‘yicha murabbiylik qilish;
– Har hafta kamida bir marotaba Klub a’zolari orasida “Zakovat” o‘yinini o‘tkazish. Xalq ta’limi vazirligi tomonidan maktablarda har seshanba kuni “Zakovat” o‘yini o‘tkazilishi belgilangan;
– O‘yin jarayoni shaffof va adolatli o‘tishini nazorat qilish;
– Har hafta o‘tkaziluvchi “Zakovat” o‘yini natijasini dastlab “Zakovat intellektual klubi” NNTning hududiy koordinatorlariga Telegram ijtimoiy tarmog‘i orqali elektron shaklda yuborishi, elektron platforma ishga tushgandan so‘ng, shu platformaga joylab borish;
– Tuman, viloyat va Respublika bosqichlarida belgilangan turnirlarga maktab jamoasini qatnashishini ta’minlash.

3. 
   Klub a’zolari
   

Klubga 7-sinfdan 11-sinfgacha bo‘lgan o‘quvchilarni a’zolikka qabul qilish maqsadga muvofiq.

Klubga a’zolik bo‘lish istagi bo‘lgan maktab o‘quvchilarini suhbat asosida qabul qilish tavsiya qilinadi.
Klub a’zolari ismi, familiyasi, o‘qiydigan sinfi aks ettirilgan ro‘yxatini yurgizish lozim.
Maktablarda Klub o‘yinlarida o‘qituvchilar ham ishtirok etishlari ham mumkin. Bunda o‘qituvchilar maktab o‘quvchilari bilan bir jamoada o‘ynashlariga yo‘l qo‘yilmaydi. O‘qituvchilar natijalari reytingi olib borilmaydi.

4.