Умумий ўрта таълим тизими ўқувчиларининг жисмоний тарбияси

Дарснинг якунлов қисмини тузилиши

Саф- лаш ва майдон бўйлаб юриш

Нафас, ЮҚЧ си ритмини пасайтириш учун машқлари бажариш

Ўзлаштирил-ганни жорий баҳолаш, рағбатлантириш баҳоларини эълон қилиш

Уйга бериладиган вазифани тушунтириш, бажариб кўрсатиш

Савол жавоблар

Уйишган ҳолда дарс жойини тарк этиш

Турли хил ёшдаги ўқувчилар билан ўтказилган Жисмоний маданият дарсларининг тайёрлов, асосий ва якунлов қисмларини таққослаш натижа-лари таҳлили биринчидан, қонуний равишда уларни бир-биридан фарқланишини кўрсатди. Иккинчидан, Жисмоний маданият дарсларининг бир хил ёшдагилар чегарасида ўтказилган асосий қисмлари дарснинг турига боғлиқ. Учинчидан, дарснинг тайёрлов, асосий, якунлов қисмларини давомийлигини ўзгариши ўқувчиларнинг ёшига боғлиқ. Бошланғич синфларда дарснинг асосий қисмлари нисбатан бир хилда, яъни тайёрлов ва якунлов қисмларининг давомийлиги асосий қисмнинг давомийлигидан озгина фарқланади холос. Юқори синфларда эса тайёрлов, якунлов қисмларининг давомийлиги асосий қисмнинг давомийлигидан кескин фарқ қилади.

Бошланғич синфларда болалар психологияси ва уларнинг физиологик хусусиятлари, жисмоний кучининг озлиги дарснинг асосий қисмида уларни организмини ва диққатини олдинда турган қийин ҳаракат фаолиятларини бажаришга тайёрлаш учун кўп вақт сарфлашни талаб қилади. Бундан ташқари тайёрлов машқларини тушунтириш ва кўрсатиш катта ёшдагиларга нисбатан секин олиб борилиши дарсни қисмларида ўқитувчи томонидан кўп вақт сарфлашни тақозо этади.
Кичик мактаб ёшдагиларда якунлов қисмини асосий қисм ҳисоби-дан узунроқ бўлишининг сабаби навбатдаги дарсга ўтишга олдиндан тайёрланиш лозимлигидан келиб чиқади ва шу билан асосланади.
Ўрта ва юқори синфга ўтган сари дарснинг тайёрлов ва якунлов қисмлари учун сарфланган вақт қонуний равишда камайиб боради. Чунки бу ёшдаги ўқувчиларда турли хилдаги саф ва тайёрлов машқларини аниқ бажариш малакаси юқори бўлади.
Тушунтириш ва кўрсатиш учун кам вақт сарфланади, асосий қисмда ўқувчилар томонидан катта ҳажмдаги юклама билан жисмоний машқларни бажариш учун талаб вужудга келади, шунга кўра тайёрлов, асосий, якунлов қисмларининг турли хил ёшдаги ўқувчилар билан ўтказилиши турлича ва ўзларининг хусусиятлари билан фарқланади.