Умумий ўрта таълим мактабларида 10-11- синф ўқувчилари билан Ўзбекистон Республикаси Қуролли Кучлари ташкил этилганлигининг йигирма саккиз йиллиги ҳамда 14 январь “Ватан ҳимоячилар куни” байрами муносабати билан машғулот ўтиш

Номзодлар билан ҳарбий-касбий танлов тадбирларини ўтказиш
Ҳарбий-касбий танловни ўтказишдан кўзланган асосий мақсад - ўзининг психофизиологик хусусиятларига ва соғлигига кўра ҳарбий мутахассисликнинг замонавий талабларига жавоб берадиган, офицер касбини эгаллашнииг асосларига, етакчилик сифатларига, ички эътиқодига, мустаҳкам маънавий-ахлоқий ва интеллектуал салоҳиятга эга бўлган номзодларни аниқлашдир.
Ҳарбий-касбий танлов номзоднинг яшаш жойидаги мудофаа ишлари бўйича бошқармаларда 2 майдан 15 июнгача амалга оширилади.
Номзодларнинг саводҳонлик даражаси (орфография, пунктуация) диктант ёзиш йўли билан аниқланади.
Номзодларнинг психофизиологик ҳусусиятларини ўрганиш психологик тест синовлари орқали ўтказилади.
Номзодларнинг жисмоний тайёрланганлик даражасини баҳолаш тасдиқланган режа-жадвал асосида мудофаа ишлари бўйича бошқармалар бошлиқлари белгиланган жойларда кичик комиссияси таркибига киритилган мутахассислар томонидан ўтказилади.
Якка тартибдаги якуний суҳбатни ўтказиш психофизиологик ўрганиш натижалари, ёзма иш (диктант) натижалари, жисмоний тайёрланганлик даражасини текшириш натижалари ҳисобга олинган ҳолда ўтказилади.
Якка тартибдаги якуний суҳбат коллегиаллик тамойиллари бўйича мудофаа ишлари бўйича бошқармалар томонидан, Ўзбекистон Республикаси Мудофаа вазирлиги ҳузуридаги Жамоатчилик кенгашининг ҳудудий бўлинмалари вакиллари иштирокида ҳар йили 20 июнга кадар ўтказилади.

Диктантга қўйиладиган талаблар ва мезонлар
Диктант учун умумий ўрта таълими фан дастурлари доирасида ўтилган
мавзуларга мувофиқ келадиган ва номзоднинг олган билимларини аниқлаш имкониятини берадиган материаллар танланади.
Диктант матнининг ҳажми 90 - 130 та сўздан иборат бўлади.
Номзодларнинг диктанти «5» баллик тизимда қуйидагича баҳоланади:
мутлақо хатосиз ёзилган ёки иккита орфографик ёхуд пунктуацион хатога йул қўйилган диктантга - 5 балл;
учтадан олтитагача орфографик ёки пунктуацион хатога йўл қўйилган диктантга - 4 балл;
еттитадан тўққизтагача орфографик ёки пунктуацион хатога йўл қўйилган диктантга - 3 балл;
ўнтадан ўн иккитагача орфографик ёки пунктуацион хатога йўл қўйилган диктантга -2 балл;
ўн уч ва ундан ортиқ орфографик ёки пунктуацион хатога йўл қўйилган диктантга -1 балл қўйилади.
Қуйидаги мезонлар мавжуд бўлганда хатолар, уларнинг сонидан қаттъий назар, битта хато деб топилади:
бешта сўзда «ҳ» ёки «ў» ҳарфлари ўрнида тегишлича «х» ёки «у» ҳарфлари ёзилган бўлса;
кириш сўзларнинг (масалан, дарвоқе, дарҳақиқат) ёзилишида олтитагача пунктуацион хатога йўл қўйилган бўлса;
қараткич белгиси учтагача сўзда нотўғри қўлланилган бўлса.