Умумий қисм

«Прокурор назорати»нинг ҳар икки қисми, яъни умумий ва махсус қисмларини мақсади ва вазифалари:

1. 
   Прокурор назорати курсининг мазмуни предмети ва тузилишини;
   
2. 
   Прокурор назорати фанининг мақсади ва вазифаларини;
   
3. 
   Ўзбекистон Республикасида прокуратура органлари ташкил этилишини ва ривожланиш босқичларини;
   
4. 
   Прокуратура фаолиятининг ҳуқуқий асосларини;
   
5. 
   Прокурор назоратининг моҳияти ва вазифаларини;
   
6. 
   Прокурор назорати фанидан назарий масалаларни;
   
7. 
   Ўзбекистон Республикасининг “Прокуратура тўғрисида“ги Қонунига асосан прокурорлик вазифаларини;
   
8. 
   Таъсир чорасини кўриш, аниқланган қонун бузилишларига нисбатан тегишли прокурор назорати ҳужжатларини тузишни;
   
9. 
   Прокурорни процессуал ҳаракатларини ташкил этиш ва ўтказишни;
   
10. 
    Ўзининг касбий малакасини мунтазам равишда ошириб бориши, қонунларни ва уларни амалиётда қўлланишларни билиши ва қўллай олишни;
    
11. 
    Прокурорлик назоратини такомиллаштиришнинг ҳуқуқий юридик муаммоларини тахлил қилиш ва ҳал қилишни;
    
12. 
    Прокурор вазифаларини мустақил бажара олишни;
    
13. 
    Фуқароларнинг таклиф, ариза ва шикоятларини кўриб чиқиб, юқори даражада ҳамда тўғри ҳал қилиш услубларини ўргатишдан иборатдир.
    

“Прокурор назорати” фанини ўқитишдан мақсад талабаларни прокуратура органларининг амалий фаолияти, прокурор фаолиятини амалга ошириш усуллари билан таништириш ва бошқа юридик қонунларни чуқур ўзлаштиришга эришишдан иборат.
“Прокурор назорати” фанининг асосий вазифаси – мантиқий тафаккурга эга бўлишга эриштириш, ўқув курсининг асосий назарий қоидаларини мустаҳкамлаш, талабалар томонидан қонунчиликни қўллаш мақомларини эгаллаш, талабаларни амалиётда конкрет ҳодисаларга нисбатан қонунни тўғри қўлланишига эриштириш, қонун бузилишларни ўз вақтида аниқлаш ва бартараф этишдан иборат.
“Прокурор назорати” фанини ўрганиш талабалар амалдаги қонунчиликни, прокурор назорати назарияларини, муайян қонунлар ижросини текшириш методини ва амалиётини кенг чуқур ўзлаштириш билан бирга олиб борилиши керак.