Ulıwma orta bilim beriw mektepleriniń 7-klası ushın sabaqlıq

sózler menen almastırıp jazıń.
Ernazar ortaǵa shıǵıwı menen bir topar adam oǵan qarap juwıradı, biraq 
jasawıl olardı birimlep keliń dep qaytaradı. Gúreske túskenlerdi Ernazar izli-izinen 
jıǵadı. Kimisi belden, kimisi qabırǵadan ayırılıp atır. Onlaǵan adamdı jıqqannan 
keyin oǵan heshbir adam betley almaydı. Gúres tarqaǵannan keyin jasawıl bası 
Ernazardı wáde boyınsha qazıwdan azat etedi. Al ol bolsa: – jasawıldan eki 
joldasımdı da azat etpeseń, men de qaytpayman, – dep turıp aladı. Jasawıl onıń 
joldasların da qazıwdan azat etip, qollarına qaǵaz berip qaytaradı.
1. Ernazar ne sebep qazıwdan azat etiledi?
2. Ernazar jasawılǵa qanday shárt qoyadı?
3. «Qollarına qaǵaz berip qaytardı» gápin qalay túsindińiz?
1)
Úshewi baydıń úyine qaytıp keledi. Waqtınan burın kelgenine bay 
qáweterlenip, olardan sebebin soraydı. Bular bolsa, jasawıldıń bergen qaǵazın 
bayǵa kórsetedi. Bul xabarǵa baydıń kewli xosh bolıp, Ernazarǵa degen húrmeti 
artadı.

---

60
2) 
Bir kúnleri qońsılas awılda turatuǵın bir bay úlken toy beredi. Bay úy 
ishin toyǵa alıp barıwdı Ernazarǵa tapsıradı.
3)
Bir hápte dawam etken toyda 
qoshqar urıstırıw, qoraz urıstırıw, báygige 
at jiberiw, qullası, toydıń qızıǵınıń bári 
boladı. Palwanlar gúresinde toy iyesiniń 
palwanı qońsılas túrkmenniń palwanınan jıǵılıp qaladı. Abıray qoldan ketip, 
túrkmen palwanǵa shıǵatuǵın talaban bar ma dep jar saldıradı bay. Ernazardıń 
xojayını kelip, onı kiyindirip ortaǵa alıp shıǵadı. Túrkmen palwan bolsa, bunı 
balasınıp, ornında otıra beredi. Buǵan shıdamaǵan jasawıl bası: – «tur ornıńnan, 
saǵan talaban keldi» – deydi.
1. Birinshi abzactan atlıqlasqan sanlıqtı tabıń.
2. Ekinshi abzactaǵı atlıqlasqan kelbetlikti qaysı almasıq penen