Ulıwma orta bilim beriw mektepleriniń 7-klası ushın sabaqlıq

Tapsırma 1.5.
1. Atasınıń aqlıǵına bolǵan sezimlerin bildiriwshi bul abzactı óz sózińiz 
benen ózgertip dóretiwshilik tekst dóretiń. Ishinde janapaylar da 
qatnasıwı tiyis.
2. Dánekerlik xızmettegi sóz qatnasqan gápti tabıń. 
– Táwir boldıń ba, shıraǵım, shúkir allaǵa, balam táwir eken, basqa ármanım joq, – 
dep kele aqlıǵın qattı qushaqlap aldı. Aqlıǵınıń qollarınan, mańlayınan qayta-qayta súye 
berdi. Aqlıǵı qıtıǵı kelip jáne shaqalaq atıp kúledi. Ózinshe atasına pult penen mashina 
qanday basqarılatuǵınlıǵın aytıp mardıyıp qoyadı. Atası onnan sayın qushaqlaydı.
– Aǵa, sálem berdik, qashan keldińiz? – dedi qızı asxanadan shay demlep kiyatırıp.
– Házir kelip atırǵanım, balamnıń táwir bolǵanın kórip, 
quwanıshım qoynıma 
sıymay atır, 
shúkir allaǵa.
– Awa, shúkir, bul quraqım, ózim de albırap qaldım ǵo, aǵa, bir nárse bolıp qala ma 
dep oylanıp 
uwayımnan sarǵayıp
tań atpadı. Ukolların alǵan soń terlep uyqıladı. Shay-
suw ishti. Siziń oyınshıǵıńızdı kórip, tez táwir boldı-ǵo, ne qılayın dep edińiz, aǵajan-
aw. Ápereyin desem, bilmey otırǵanım joq-aw. Dım uwdan qımbat oyınshıq-ǵo. Kelin 
miyińizdi jeytuǵın boldı
-aw, aǵa ... 
...Yaǵaw, balam, táwir bolsa bolar, ol jaǵın oylama, balam, sút góje ákeldim, iship 
alıń, shıraǵım.

---

104
Kelinniń qası-qabaǵı da, pensiyasınıń qolına tiymegeni de házir buǵan qızıq emes, 
aqlıǵı táwir bolıptı. Keshegi jigittiń atı-jónin de soramaptı. Ul-qızınıń ráhátin kórsin. 
Qudayım, mıń jasasın. Ol jigitti tabaman, qarızımdı qaytaraman. Pensiyamdı alsam, 
quda qálese...
Qaltasında ilip alarlıq hesh nárse joq, qayta-qayta qarmalanadı...
(E.Xojanazarova) 
Tapsırma 1.6.
1. Balanıń táwir bolıp ketiwine sebepshi bolǵan adam kim?
4. Qızıl menen berilgen sózlerdi tuwra mánidegi feyiller menen almastırıń.