Ulıwma orta bilim beriw mektepleriniń 7-klası ushın sabaqlıq

Tapsırma. 1.1.
 
Tekst ústinde ámeliy jumıslar isleymiz!
Qaltasın qarmap uslaǵanday tiyini de qalmaǵan ǵarrı oyǵa shúmip otır. 
– «Kassir qız keldi...» Kúni menen 
áńgime dúkánın qızdırıp 
otırǵan bir topar 
ǵarrılar quwanısıp qoya berdi. 
– Hámmege pul jetedi, ǵawırlasa bermeń, ótinish, sizlerden, qáne kim 
familiyańız?
– Házir mına qız sóyledi me ya qosıq ayttı ma, dawısınıń álpayımlıǵın qáyterseń, 
yamasa puldı aytqanǵa qulaqqa jaǵımlı esitildi me eken... 
Oy túbine shúmgen
ǵarrı 
óziniń gezegi kelgenin bilmey de qaldı.
– Ata, sizge aytıp atırman, familiyańız kim?
– Men be, men Ábdimámbetovpan ǵo, aynanayın... 
Ájeptáwir naǵıslı reńler menen boyalǵan tırnaqlar dizim boylap juwırıp otırdı.
– Ata, pensiyańızdı alǵansız ǵoy, mine, qarań.
1-SABAQ
2-TEMA. ATAMNÍŃ PENSIYASÍ

---

102
Tapsırma 1.2.
1. Abzactaǵı qızıl menen berilgen turaqlı sóz dizbekleriniń mánisin aytıń 
hám olardı sinonimleri menen almastırıp qollanıń.
2. Qızdıń dawısı ne sebep olarǵa qosıq aytqan sıyaqlı esitildi?
3. «Ájeptáwir naǵıslı reńler menen boyalǵan tırnaqlar» degende kim 
názerde tutılǵan?
Ǵarrı tap túsinetuǵınday úńilip kelip qaraydı. Qaǵazda shıjbaylanǵan úsh háripti 
dóńgeleklep aylandırıp qol qoyılǵanın kórgennen keyin ǵana, kelini kelip alǵanın túsindi. 
Oylamaǵan jerden jol apatına ushırap, qaytıs bolǵan kúyew balasın oylap 
kewli buzılsa,
izinde bir balası menen qalǵan qızın oylap 
qamsıǵadı.
Qaltasınan qol sharshısın alıp 
kóziniń jasın súrtip, qaytadan qaltasına salıp oy túbine shúmip ketip baratır. Qızınıń 
endi oqıwǵa baratuǵın balası anaw kúni: «Ata, maǵan 
ózi júretuǵın
mashın áper» – dep 
izinen qalmaǵanda:
– Yaqshı balam, pensiyamdı alsam, áperemen, ekewimiz bazarǵa barıp alamız 
degen edi aqlıǵına.