Ulıwma orta bilim beriw mektepleriniń 7-klası ushın sabaqlıq

ǵana, ǵoy, bolsa, gileń, da/de, tap, aq, aw, shı/shi, sesh, a, á, o, mıs/
mis, mish/mısh 
hám t.b. kómekshi sózler atqaradı. 
Janapaylar mánisi hám xızmetine qaray 
soraw janapayı, ayırıw-
sheklew janapayı, kúsheytiw janapayı hám modal janapayı
bolıp tórt 
túrge bólinedi. 
Soraw janapayları gáptiń yamasa ózi qatnaslı sózdiń mazmunına 
sorawlıq máni beredi. Soraw janapaylarınıń xızmetin 
ma/me (ba/be, 
pa/pe), she
janapayları atqaradı. 
Ma/me (ba/be, pa/pe)
soraw janapayları sózlerge dizbeklesip 
qollanılǵanda sol qálpin ózgertpesten bólek jazıladı: 
Kórip tursań ba? 
Diyqanshılıqqa olardı úyretiw ańsat boldı ma, bárin bileseń. Aytpadıń ba 
usılardı?
Ma/me (ba/be, pa/pe) janapayları II bettegi sózlerge birigip te 
qollanıladı. Bunday jaǵdayda sol betlik qosımtalarınıń aldınan qosılıp 
(mı/mi, bı/bi, pı/ pi)
túrinde ózgerip aytıladı hám sol ózgergen túrinde 
jazıladı: 
Sen de baramısań?

---

99
Uzaq múddetli maqset hám wazıypalardı ámelge asırıwǵa qaratılǵan is-ilajlarında 
kompaniyanıń global rawajlanıw strategiyasınıń bir bólegi retinde óz ónimin reklama 
qılıwı ónimlerdiń satılıw dárejesiniń asıwında ayrıqsha áhmiyetke iye. 
Reklama salasında nátiyjege erisiw ushın biznes hám ónimniń qásiyetleri 
haqqındaǵı anıq maǵlıwmatlardı iyelew, kompaniyanıń kúshli hám hálsiz táreplerin 
biliw, bazar haqqında maǵlıwmattı iyelew, ónimniń turaqlı bahasın biliw talap etiledi. 
Reklamanıń estetikalıq talǵamlılıǵı, jaylastırılıw waqtı, ornı da úlken áhmiyetke iye. 
Ónimniń satılıwın támiyinlewshi qural sıpatında reklama tómendegi funkciyalardı 
atqaradı:
• tovarlar atın sáwlelendiriw hám olardıń ózgesheliklerin aytıw;
• ónim haqqında tolıq maǵlıwmat beriw;
• potencial qarıydarlardıń jańa tovarlarǵa bolǵan qızıǵıwshılıǵın arttırıw;
• tovarlardı satıwdı optimallastırıw;
• ónim sheńberin keńeytiw;
• ónimniń abzallıǵın aytıw.
Reklama tarqatıw baspasózde, radio hám televideniede, yamasa reklama 
taqtalarında ámelge asırıladı.