Ulıwma orta bilim beriw mektepleriniń 7-klası ushın sabaqlıq

Tapsırma 1.2.
 
Joqarıdaǵı tekstte betlik almasıǵınıń qaysı túri qolla-
nılǵan hám ne ushın? Olar qaysı sózdi almastırǵan?
Tapsırma 1.3. 
Bul abzactaǵı juldızlar haqqındaǵı maǵlıwmatlarǵa 
tiykarlanıp tómendegi kesteni reńli boyawlar menen boyap, túsinikler 
berip jazıń. 
Aspanda túrli reńdegi juldızlar bar. Juldızdıń reńi olardıń temperaturasına 
baylanıslı boladı. Eń suwıq juldızlar qızıl reńde boladı. Olardıń sırtındaǵı temperatura

---

31
3 mıń dárejege teń. Toq sarı juldızlar temperaturası bolsa – 4500 dáreje, sarı juldızlardıń 
temperaturası (Quyash sıyaqlı) – 6 mıń dáreje, aq juldızlardiki – 7500, aspan kók reńdegi 
juldızlardiki – 10 mıń, kók juldızlardiki 15-20 mıń dáreje boladı. Eń ıssı juldızlardaǵı 
temperatura bolsa 35 mıń dárejege jetiwi múmkin. 
(Balalar astronomiyası)
4500 dáreje temperaturaǵa iye
Gápte birdey sorawǵa juwap berip, kóbinese birdey sóz shaqabınan 
bildirilgen sózler birneshe bolıp kelgende, olardıń arasına útir qoyıladı. 
Tapsırma 1.4.
Joqarıdaǵı teksttegi útir belgisiniń qoyılıw sebeplerin 
aytıń, olarda birdey sóz shaqaplarınan bildirilgen sózler bar ma? 
Yamasa tek gáp penen gáp arasına útir qoyılǵan ba? 
Tapsırma 1.5.
 
Ózlerińiz almasıqlardan ónimli paydalanǵan halda 
joqarıdaǵı tekst tiykarında eki adamnıń dialogın dóretiń. Dialogtaǵı 
almasıqlardıń túrleri hám sepleniwin aytıp beriń.
Betlik almasıǵınıń seplengendegi imlası:
Seplikler
I bet
II bet
III bet
Ataw sepligi
men, biz
sen, siz
ol
Iyelik sepligi
meniń, biziń
seniń, siziń
onıń
Barıs sepligi
maǵan, bizge
saǵan, sizge
oǵan
Tabıs sepligi
meni, bizdi
seni, sizdi
onı
Shıǵıs sepligi
mennen, bizden
sennen, sizden
onnan
Orın sepligi
mende, bizde
sende, sizde
onda