Ulıwma orta bilim beriw mektepleriniń 7-klası ushın sabaqlıq

MINEZLEME QALAY JAZÍLADÍ?
Minezleme – belgili bir shaxstıń miynet jolı hám sociallıq iskerligi, sonday-aq, 
onıń ózine tán minezin hám pazıyletlerin sáwlelendiriwshi rásmiy hújjet.
Minezleme mákeme adminstraciyası yamasa jámiyetlik shólkemler tárepinen 
xızmetkerge yamasa oqıwshıǵa birqansha maqsetler ushın (oqıw ornına kiriwde, 
shet el mámleketlerine islewge hám basqa jumıslar ushın ketiw, lawazımǵa 
tayınlawda hám basqa jaǵdaylarda) beriledi. 
Minezlemede minezleme beriliwshi shaxstıń jámáátlik orında ózin tutıwı, 
oqıwda úlgeriw yamasa jumıs islew qábileti, onıń issheńligi, ziyrekligi hám minez-
qulıq belgileri de kórsetilip ótiledi. 
Minezleme tekstin óz ara logikalıq jaqtan baylanıslı úsh bólimge ajıratıp 
kórsetiw múmkin.
Birinshi bólimde shaxstıń miynet yaki oqıw jolı beriledi.
Ekinshi bólimde minezleme beriliwshi shaxsqa jeke minezleme beriledi. Onıń 
jaqsı pazıyletleri aytılıp, qalıs bolıw ushın kemshiligi de kórsetilip, tilek bildiriledi. 
Úshinshi bólimde juwmaq shıǵarıladı hám minezleme qanday maqsette 
yamasa ne ushın berilip atırǵanlıǵı kórsetiledi.
Minezleme teksti úshinshi shaxs tilinen beriledi. Minezleme beriliwshi shaxstı 
súwretlewde «hadal, miynet súygish, talapshań, baslamashı, shaqqan, tártipli» 
sıyaqlı birliklerden paydalanıladı. Qaǵıyda boyınsha minezlemege eki shaxs: 
mákeme (yamasa bólim) baslıǵı hám kásiplik awqamı shólkeminiń baslıǵı qol 
qoyadı hám olardıń qoyǵan qolı dóńgelek mór menen tastıyıqlanadı. 
2-SABAQ

---

185
Minezleme úlgisi 
Nókis qalası 18-mekteptiń
11-klass oqıwshısı, 2000-jılda 
tuwılǵan, qaraqalpaq, Muratbay 
Mırzambetovqa
MINEZLEME
Muratbay Mırzambetov Qabılbaevich 2007-jılı 18-sanlı mekteptiń 1-klasına 
qabıllanǵan. 
Mektepte bilim alıw waqtında ol tártipli hám ziyrek oqıwshı sıpatında ózin 
kórsetti. Barlıq pánlerden ayrıqsha ózlestiriwge háreket etti. Mektepte oqıwı barısında 
matematika pánine ayrıqsha qızıqtı. 2014-jılı Ózbekstan Respublikası kóleminde 
ótkerilgen Pánler olimpiadasınıń Qaraqalpaqstan Respublikası III basqıshında 
matematika páninen sıylı II orındı alıwǵa miyasar boldı hám húrmet jarlıǵı, basqa da 
sıylıqlar menen sıylıqlandı.
M.Mırzambetov mekteptiń jámiyetlik jumıslarına belsene qatnasadı, mekteptiń 
«Jas matematik» dógereginiń turaqlı aǵzası.
Ol kishipeyil hám tuwrı sózligi, mehribanlıǵı sebepli de klaslasları hám 
muǵallimleriniń húrmetine miyasar bolǵan. 
Minezleme Nókis qalası hákimligine usınıs etiw ushın berildi. 
Mektep direktorı:
(qolı) N.Maqsetova
Kásiplik awqamı baslıǵı:
(qolı) T.Úbbiyev
(mór) (sáne)