Ulıwma orta bilim beriw mektepleriniń 7-klası ushın sabaqlıq

ne maqsette paydalanǵan? 
4. Abzactaǵı gáp aǵzalarına tallaw isleń. 
Tıńlawshını ózine qaratatuǵın hawaz dástandı tartımlı hám qızıqlı etedi. Bul bolsa, 
baqsılardan úlken talant, kúshli sheberlik hám eslew qábiletin, turaqlı shınıǵıwlardı 
talap etedi.
Baqsılarımız miyrası oǵada bay hám ráń-báreń. Máselen, qaraqalpaq jırawı 
Qurbanbay Tájibaev hám Polkan shayır 70 ten aslam dástandı yadtan bilgen. Hárbir 
dástan on-on bes, hátteki, 20 mıń qatarǵa shekem qosıqtı da óz ishine alatuǵının esapqa 
alsaq, xalıq baqsılarınıń tań qalarlıq yadlaw hám este saqlaw qábileti, atqarıw qúdireti 
óz-ózinen belgili boladı. 
?
 
Tapsırma 1.4.
1. Baqsı-jırawlarda qanday qábilet 
bolıwı kerek?
2. Dástanlardıń basqa dóretpelerden 
ózgesheliklerin bilesiz be?
3. Abzactan ayqınlawıshlardı tabıń.
!
Eki atlıq qatar kelip, biri ekinshisin qosımsha kásibi, mamanlıǵı, 
hámeli, milleti, tuwısqanlıǵı, laqabı, húrmetli ataǵı, menshikli atı hám 
t.b. belgileri boyınsha túsindirip, ayqınlap kelgen sózler 
ayqınlawısh
delinedi. Qatar kelgen eki atlıqtıń qosımsha máni beriwshi, túsindiriwshi 
sózi 
ayqınlawısh,
al qosımsha mánige iye bolǵan, túsindiriliwshi sóz 
ayqınlanıwshı aǵza
delinedi.
Ayqınlawısh 
qaysı?
degen sorawǵa juwap beredi. Ayqınlawıshlar orın 
tártibi jaǵınan ayqınlanıwshı aǵzadan aldın da, keyin de kele beredi. Mısalı: 
Omar 
shayır,
Erejep
etikshi, 
Elmurat 
zerger, 
Ǵaniy 
palwan,
Dosbergen 
traktorshı,
 Jiyrenshe 
sheshen,
 
akademik 
Nurmuxammedov, 
professor
 
Nasırov
hám t.b.
Bala baqsı Abdullaev, Shoberdi Boltaev, Abdunazar Poyonov, Boboraym 
Mamatmuradov, Qara baqsı, Abduqahhor hám Abdumurod Rahimov, Shomurod 

---

183
Toǵaev, Ziyodulla Islomov, Norbek Abdullaev, Qalandar Normetov, Qodir Rahimov 
sıyaqlı baqsılarımız baqsıshılıq kórkem óneriniń rawajlanıwına múnásip úles qostı. 
Qashqadarya, Surxandárya, Samarqand, Xorezm wálayatı hám Qaraqalpaqstan 
respublikalarında baqsıshılıq kórkem óneri rawajlanǵan. Házirgi kúnde Bulıngur, 
Shaxrisabz, Qamashı, Shıraqshı, Diyqanabad, Sherabad, Baysın, Xorezm hám qaraqalpaq 
dástanshılıq mektepleri biytákirar atqarıwshılıǵı menen ajıralıp turadı. «Alpamıs», 
«Ǵárip ashıq», «Góruǵlınıń tuwılıwı», «Ravshan», «Kuntuǵmish», «Rustamxan», «Ǵárip 
ashıq hám Shaxsánem», «Áwezxan» sıyaqlı onlaǵan dástanlar xalıqtıń ruwxın, onıń 
tereń mánáwiyatın ózinde sáwlelendiredi. 
...Nókistegi saxnada túrli mámleketlerdiń bayraqları jelbiredi. Baqsı – aqınlardıń 
atqarıwında xalıqlarǵa tán hawazlar jańlaydı. Kórkem óner ǵayratkerleri hám jaslar 
atqarıwındaǵı qosıq-oyınlar keshege jáne de zawıq baǵıshlaydı. 
(Gazetadan)