Ulıwma orta bilim beriw mektepleriniń 7-klası ushın sabaqlıq

Shamurat Ótemuratovtıń qısqasha ómirbayanı
Ol 1929-jılı jazda, anıǵıraǵı, álekke 
qawınnıń aldı júzi qızarıp, jambılshanıń 
«bazarı» 
qayta 
baslaǵan 
waqıtları 
Taxtakópir rayonınıń «Qaraoy» awılında 
Qosıwaq ulı Ótemurattıń kireyge otırǵan 
qaqırasında keńkildep kúlip dúnyaǵa 
kelgen. Onınshı klasqa shekem úsh mektepte 
oqıp, bir instituttı tolıq, bir instituttı shala 
pitkergen. 1955-jıldan úlken teatrdıń kishkene xızmetkerleriniń biri sıpatında 
isleydi. Miynet dáptershesinde jumısqa alıw haqqında sıya menen jazılǵan bir 
buyrıqtan basqa hesh nárse joq. 
Usı waqıtqa deyin saxnada óziniń ıras atın jasırıp, eki mıń mártebe molla, 
bir mıń bes júz mártebe suwpı, segiz júz jigirma bes mártebe jádigóy, taǵı 
usı quraqım mártebe jaǵımpaz bolǵan. Eki júz qırq bes mártebe jortaǵa ólip, 
keyninen tirilip ketken. Iyekke jabıstıratuǵın saqaldan tórt júzin, shapannan bir 
júz qırq toǵızın, gewish-másiden eki júz toqsan birin tozdırǵan. 
Úsh mártebe húrmetli ataq, bir mártebe kenapattay sıylıq alǵan. Házirshe 
olardı qayaqqa jasırıp saqlap qoyǵanınıń málimi joq. Búgingi kúnde ol gastrolda 
júrip, úyiniń awqatın únemlep saqlamaqta. 
Onıń qısqasha ómirbayanı usınday.
(M.Nızanov)
Tapsırma 3.3. 
Joqarıdaǵı tekstti oqıp, jazıwshınıń Sh.Ótemuratov 
haqqında ne demekshi bolǵanlıǵın aytıp beriń. Siz onı óz sózińiz 
benen qayta jazıń. Jazǵan tekstińizdegi ekinshi dárejeli aǵzalardıń 
astın sızıń. 
Tapsırma 3.4.
 
Joqarıdaǵı tekstlerdi oqıp, kórkem ómirbayannıń 
rásmiy ómirbayannan ózgesheligin ańlaǵan bolsańız kerek. Usı 
sıyaqlı kórkem ómirbayannan mısallar keltiriń.

---

181
17-sentyabr 2021-jıl saat 20:00. Ashıq teatr. 
II Xalıqaralıq baqsıshılıq kórkem óneri festivalınıń 
ashılıw máresimi. 
Paytaxtımızdaǵı Amfiteatr gózzal túske enip, 
ózgeshe shıray ashqan. Amfiteatrdıń eki qaptalında 
ornatılǵan túrli mámleketlerdiń bayraqları 
arasında jelbiregen watanımız bayraqları kózge 
ottay basıldı. Qızıl jol boylap ilaj qatnasıwshıları 
bolǵan mádeniyat hám kórkem óner ǵayratkerleri, jámiyetshilik wákilleri, kórkem óner 
ıqlasbentleri, sırt elli miymanlar kirip keldi.