Ulıwma orta bilim beriw mektepleriniń 7-klası ushın sabaqlıq

Tapsırma 1.2.
 
Sorawlarǵa juwap beriń.
1. Memuar sóziniń mánisi neni ańlatadı?
2. Ol kimniń tilinen bayanlanadı?
3. Tariyxıy hújjet sıpatında bahalanıwınıń sebebi nede dep oylaysız?
Tapsırma 1.3
 
Berilgen súwretlerdegi memuarlıq shıǵarmalardıń qaysı 
xalıq wákillerine tiyisli ekenin tabıń.
1-SABAQ
1-TEMA. MEMUARLÍQ SHÍǴARMALAR QANDAY BOLADÍ? 
?

---

172
Tapsırma 1.4.
Tekstlerdi oqıń hám olardıń mazmunın túsingen halda
qaysı taraw xızmetkeriniń eske túsiriwi ekenligin tabıń. Olardan turaqlı 
sóz dizbeklerin tawıp, olarda omonimlik mánilerdiń bar yamasa joqlıǵın 
anıqlań. 
Jańadan baspaǵa usınatuǵın kitabıma qátesiz jazatuǵın mashinistka izlep
barmaǵan keńsem qalmadı. Heshqaysısı «men qátesiz jazaman» dep wáde bere 
almadı. Tek esaplaw orayınıń filialında Márziya degen bir záberdes kelinshek bar 
eken:
– Pulın nomayıraq tóleseńiz, ózimiz qatıramız, qurdas, – dedi.
– Haw, tóleyin. Maǵan tek tez hám qátesiz jazsańız boldı. 
– Qáte jaza berip ne bolıptı, – dedi ol, – biz-ám oqıǵanbız. Biraq, óziń aytıp 
tur, sonda tez ónedi.
Jumıstan bir-eki saatqa sorap keldim de, qoljazbamdı mashinistkaǵa oqıp 
aytıp turman. Shápik basatuǵın adamǵa eliw-alpıs bet jır emes eken, há-pá 
degenshe qaǵıp tasladı.
(«Qátesiz jazatuǵın adam») 
Men elge basshı bolǵan jılları respublika xalıq xojalıǵınıń hámme 
tarawların, ásirese onıń jetekshi tarawı bolǵan iri qurılıstı birinshi náwbette 
sheshiliwi tiyis eń tiykarǵı, bas másele dep esaplap, qurılıs penen ózim 
shuǵıllandım. Eger awıl xojalıǵın eń áhmiyetli, xalıqtıń ırısqı-nesiybesi, el 
dasturqanı dep qarasaq, onı da joqarı basqıshqa kóteriw ushın iri qurılıs kerek. 
!
Jeke sózler sıyaqlı turaqlı sóz dizbeklerinde de omonimiya qubılısı 
ushırasadı. Yaǵnıy birdey formadaǵı turaqlı sóz dizbekleri gáp ishinde 
hár túrli mánini bildirip keledi. Máselen,