УўК: 65. 89 Кбк: 56. 12 А–82 Асаб тизимингиз саломат бўлсин

6.1. Фитотерапия
Ҳаётимизни фитотерапиясиз тасаввур қилишнинг 
иложи йўқ, чунки кўплаб озуқа маҳсулотлари ўсимлик-
лардир. Шунинг учун уларни билишимиз, ўрганишимиз 
ва оқилона қўллашимиз лозим.
Юқори артериал босимли вегетив­томир дис­
тонияси.
Яққол руҳий-ҳиссий аломатларда қуйидаги гиёҳлардан 
шифобахш дамлама тайёрлаш мумкин:
1) ялпиз, жамбил ва тоғ ялпизи (пустирник);
2) туяйўнғичқа, тоғ ялпизи, юраксимон жўка гуллари.
Яққол гипертензив синдромда (қон босими ошганда): 
1) очамбити, астрагал, қизилпойча;
2) очамбити, тоғ ялпизи, жамбил.
Курс – 21 кун, озғин одамлар кунига 1 ч. қ. дан бир ста-
кан қайнаган сувга дамлаб ичади, семиз одамлар кунига 2 
ч. қ. дан. Заруратга қараб курсни такрорлаш мумкин.
6.2. Парҳез
Ҳафтада икки кун, масалан, чоршанба ва жума куни 
овқатдан тўлиқ тийилиш тавсия қилинади, айниқса, 
ортиқча вазнлилар. Нонуштани ўтказиб юбориш ёки 
мева-чева билангина қаноатланиш фойдали. Умуман, 
хом озуқа маҳсулотлари артериал қон босими пасайиши-
ОЛТИНЧИ БОБ
ФИТОТЕРАПИЯ. ДИЕТОЛОГИЯ.
ЎЗИНИ УҚАЛАШ

---

Асаб тизимингиз саломат бўлсин
104
га имкон беради, шунинг учун кўпроқ уларни истеъмол 
қилиш мақсадга мувофиқ. Бу айниқса семиз одамларга 
тааллуқли. Озғин одамларга картошкадан ташқари ҳар 
қандай қайнатилган сабзавотларни тавсия қилиш мум-
кин. Картошка истеъмолини эса имкон қадар камайтириш 
лозим. Ёрмалардан – тозаланмаган гречка, сули, мак-
кажўхори, арпа ёрмаси. Ёнғоқ ва писталарни хом сабза-
вотлар, мева ва резаворлар билан бирга истеъмол қилиш 
мумкин. Укроп, кашнич, дафна, петрушка, сельдерей, 
майоран ҳам яхши – ҳаммаси артериал босимни туши-
ради. Қаҳва ичиш мумкин эмас, унинг ўрнига кўк чой 
яхшироқ (қон босимини туширади) ёки қуйидагилардан 
дамланган гиёҳли дамламалар: астрагал, дўлана, жам-
бил, календула, лимонўт, ялпиз. Фиточойларни фитоте-
рапия курслари оралиғида ичиш тавсия қилинади. Бир 
маромда ҳаёт кечириш ҳам жуда муҳим, ғурурингиз йўл 
қўймаса ҳам, бу вақтда ўзингизни ортиқча уринтирманг. 
Аввало, соғлиқ керак.