Учиш аппаратларининг радиоэлектрон жихозлари

Х улоса: Шундай қилиб биринчи саволимизга хулоса қиладиган бўлсак, Грециялик Фалес, Отто Греки, Александр Волта, физик Ганс Эрстед, Андре Ампер, Майкл Фарадей, Максвелл, Генрих Гертс ва рус физиги А. С. Папов мана шу санаб ўтган барча буюк инсонларининг катта-кичик ихтиролари бизнинг ҳаётимизга ҳозирги кўриб турганимиздек телевидиния, радиоалоқа,уяли алоқанинг ва ҳаттоки компютерни ихтиро қилишига ва уларни ривожланишига сабаб бўлди.
Радиоэлектроника соҳаси ҳақида умумий тушунчалар.
Радиоэлектрониканинг услуб ва воситалари халқ хўжалигида, фан ва техниканинг барча соҳаларида, ҳарбий соҳада, маданиятда ва турмушда амалий қўлланиб келинмоқда.
Радиотехника фанига асос солган буюк рус олими Александр Степанович Попов ҳисобланади. А. С. Поповнинг 1895 йилдаги буюк кашфиётига ўша замон физик олимларининг электродинамиканинг классик назариясини яратишлари ва ЭМТ мавжудлигини исботлаганликлари омил бўлган эди.
А. С Поповнинг ЭМТ электродинамик хабарлар узатиш назариясидан фойдаланган ҳолда жаҳонда биринчи бўлиб радиоалоқани ташкил этиши унинг буюк хизматларига киради. У радиотехниканинг бир қатор йўналишларини ривожланишига катта ҳисса қўшди.
Радиотехника ва радиоэлектрониканинг базали асосларига академик олимлар: В.А.Фок, Б.А Введинский, А. Леонтович, А.И.Берг, В.А.Котельников ва бошқа олимлар ўзларининг муносиб ҳиссаларини қўшган.
Замонавий радиоэлектроника - фан ва техника йўналишининг асосий воситаси бўлиб, у фан ва техниканинг радиотехника ва электротехника, оптоэлектроника, рентгеноэлектроника, гаммаэлектроника ва шунга ўхшаш соҳаларни бирлаштирган фанлар мажмуасидир.
Замонавий радиоэлектроника фан ва техниканинг айтиб ўтилган соҳаларидан ташқари акустик тебранишларни (φ 100 КГц) ўрганувчи акустоэлектроника, электроалоқа ва электрон ҳисоблаш техникасини ўз ичига олади.
Радиоэлектроника ёрдамида бажарилаётган вазифаларнинг ичида хабарни (маълумотни) манбадан қабул қилувчига турли масофаларга фазода эркин тарқалувчи ЭМТ ёрдамида узатишдир (радиоэшиттириш, радиоалоқа, телевидение ва бошқа турдаги радиоалоқалар). Турмушимизда энг кўп тарқалган радиоэлектрониканинг бу соҳаси радиоалоқадир. Космик радиоалоқа ва радиобошқарувсиз космик фазони ўзлаштириш мумкин эмас. Радиоэлектониканинг радиолокация, радионавигация, радиобошқариш, радиотелеметрия, радиоастрономия ва бошқа йўналишлари ҳам кенг тарқалган.