Учебное пособие по предмету «Каракалпакский язык» написано и утверждено на основе учебного плана и рабочей программы. Учебное пособие предназначено для студентов высших учебных заведений, обучающихся по специальности на узбекском языке

33.3. Tekstti qaraqalpaqshaǵa awdarıń. Sózlerdiń orın tártibin anıqlań.
Kuyla, qo’biz asrlarning guvohi!
Manavi qaddi egik soz asbobining nomi qo’biz. Qanchadan – qancha musibatli zamonlarni elkasida orqalab bugungi kunga qadar etib kelgan. Undan taralayotgan musiqa mayus. Shu ohang zamirida qandaydir ilohiy kuch ko’ngilda tinch yotgan tuyg’ularni tebratadi. Jirov – dardli xalqning yupanchi, insonlarni orzu – armonlar sari talpintiruvchi, ular qalbida kelajakka umid o’tini yoqib, beglik inobatini uyg’otuvchi, qadr – qimmatini yuksaklarga ko’tarib, erkin va baxtiyor yashashga davat etguvchi insondir. Shu bois «Baxshi, jirovi bor xalqning botiri ko’p bo’ladi»degan hikmat yaratilgan. Qoraqalpoq og’zaki ijodida aytilishicha, qadimda bir elga dushman hujum qilibdi. Qo’shin va qurol – yarog’i kam qurshovdagilar mag’lubiyatga uchray boshlabdi. Shu payt xalqning jirovi bobomeros qo’bizini qo’liga olib, qahramonlik dostonini kuylashga kirishibdi. Xuddi uyqudagi engilmas dev uyg’onganidek, umidsizlikka tushgan odamlar qalbida kuch – quvvat, o’ziga ishonch paydo bo’lib, jang yana avjiga chiqibdi. Dushman tomonning sarkardasini vaziyatning bunday o’zgarishi lol qoldiribdi. Etibor bilan qarasa, o’zini butkul unutib, bor ovozda doston aytayotgan jirovni ko’ribdi. Merganlarga uni otishni buyuribdi. Og’ir jarohatlangan jirov o’lar payti yoniga shogirdini chaqirib, dostonni davom ettirishni tayinlab, qo’bizini unga qoldiribdi. Shu tariqa, so’z sehridan kuch olgan xalqning qo’li baland kelibdi. Gap nimadaligini tushungan dushman sarkardasi chekinishga majbur bo’libdi…
So’z va sozning qudrati shunchalikki, u qalblardan qo’rquvni haydab, kuch beradi, kata marralar sari ruhlantiradi. Mard bo’lib yashashga nima etsin! Jirovlar tabiatan ana shunday dovyurak insonlardir. Bu sanatni egallash esa hammaning ham qo’lidan kelavermaydi. Jirovlar barmoq bilan sanoqli. Ular bebaho qadriyatlar, milliy boyliklarimiz va uzoq tariximizni o’zida jamlagan bitmas – tugamas xazina egalari. («Marifat» gazetasınan).