Учебное пособие по предмету «Каракалпакский язык» написано и утверждено на основе учебного плана и рабочей программы. Учебное пособие предназначено для студентов высших учебных заведений, обучающихся по специальности на узбекском языке

34.2. Berilgen tekstten qospa gáplerdi tabıń.
Talantlı qız – Gúlnaz
Xalqımız ázelden mádeniyat hám kórkem ónerdi súyiwshi xalıq. Óziniń milliy úrp – ádetin, qádiriyatın qásterlep abaylamaytuǵın xalıq bolmasa kerek. Házirgi kúnde usınday mádeniy baylıqlarımızdı ele de rawajlandırıw, olardı keleshek áwladqa jetkeriw ushın keń múmkinshilikler jaratılǵan. Jaslardıń bos waqıtların mazmunlı ótkeriw ushın sport zalları hám balalar muzıka mektepleri boy tiklegen. Álbette, bulardıń barlıǵı ǵárezsizligimizdiń sharapatı menen ámelge asırılmaqta. Usınday imkaniyatlardan tolıq paydalanıp, kishkene waqtınan baslap qolına duwtar alıp, alǵa talpınǵan qızlardıń biri – Gúnaz Allambergenova.
Ol «Yangi avlod» balalar dóretiwshilik festivalınıń qalalıq hám respublikalıq basqıshlarına belsene qatnasıp húrmet jarlıǵı hám sertifikat penen sıylıqlanǵan. 2013 – jılı «Kamalak yulduzlari» balalar dóretiwshilik festivalında jeńimpaz bolıp, diplom hám sertifikat penen sıylıqlanǵan.
2014 – jılı M.Qoriya Yakubov atındaǵı respublikalıq tańlawdıń Qaraqalpaqstan Respublikası basqıshında 1 – orındı, al Ózbekstan Respublikası basqıshında 2 – orındı iyeledi. 2015 – jılı shayır Zulfiya Isroylovanıń tuwılǵanına 100 jıl tolıw múnásibeti menen ótkerilgen «Zamanımız jırshısı» tańlawında Qaraqalpaqstan Respublikası basqıshında 1 – orındı iyelep, Ózbekstanda 3 – dárejeli diplom menen sıylıqlandı.
Házirgi kúnde Gúlnaz Nókis mádeniyat hám kórkem – óner kolledjiniń Xalıq sazları bóliminde oqıp atır.
2016 – jılı Tashkentte bolıp ótken «Ona yurt ohanglari» II Xalıqaralıq tańlawǵa qatnasıp, sertifikat penen sıylıqlandı.
- Meniń bunday jetiskenliklerge erisiwimde ata – anam hám ustazlarımnıń ornı ayrıqsha. Olar meni hámiyshe qollap – quwatlap, alǵa ilgerilewime sebepshi boldı. Aldıma qoyǵan maqsetim, Zulfiya sıylıǵınıń laureatı bolıw hám Ózbekstan mámleketlik konservatoriyasına oqıwǵa kirip, óz ústimde ele de kóbirek izlenip, ata – anamnıń, ustazlarımnıń isenimin aqlaw hám xalqımnıń hadal perzenti bolıp jetisiw, mádeniyatımızdıń rawajlanıwına óz úlesimdi qosıw, – deydi teńlesimiz Gúlnaz Allambergenova. Oǵan niyetiń joldasıń bolsın dep aldaǵı oqıwlarıńda tabıslar tileymiz. («Qaraqalpaqstan jasları» gazetasınan).