Учебное пособие по предмету «Каракалпакский язык» написано и утверждено на основе учебного плана и рабочей программы. Учебное пособие предназначено для студентов высших учебных заведений, обучающихся по специальности на узбекском языке

36.6. Tapsırma. Kitap haqqında naqıl – maqallar, frazeologizmler, danalıq sózlerdi jazıń.
36.7. Sorawlar boyınsha dóńgelek stol shólkemlestirip, sáwbet ótkeriń.
1) Sizler qanday kitaplar oqıǵansız?
2) Qaraqalpaq jazıwshı, shayırlarınan kimlerdiń shıǵarmaların oqıdıńız?
3) Qaraqalpaq tilin oqıp, úyreniwge arnalǵan bul kitapta shınıǵıw materialları kóbinese kórkem shıǵarmalardan (T.Q. «Qaraqalpaqnama», Sh.S. «Xalqabad», «Kóp edi ketken tırnalar», I.Yusupov qosıqlarınan) berildi, sizlerde usı shıǵarmalardan qaysısın oqıwǵa qızıǵıwshılıq payda boldı?
4) Kórkem shıǵarmanı ne ushın oqıymız?
5) Kórkem shıǵarmadan qanday azıq alamız?
6) Kitaplar haqqında sizler qanday qızıqlı maǵlıwmatlar bilesiz?
Juwmaq
Til – xalıqtıń ruxıy múlki, onda xalıqtıń milliy ózgesheligi, ásirlik tariyxı, mádeniyatı, úrp – ádeti saqlanıp, búgingi kúnge shekem jetip kelgen.
Qaraqalpaq tiline til biyliginiń beriliwi, til haqqında nızamnıń qabıl etiliwi, ana tilimizdiń jámiyetlik xızmetiniń keńeyiwine, onıń tazalıǵınıń saqlanıwında úlken áhmiyetke iye boldı. Sonlıqtan, Joqarı oqıw orınlarında qaraqalpaq tilin, onıń ózine tán ózgesheliklerin, seslik qurılısın, sózlik quramın, sóz baylıǵın, sóz mánilerin, qollanılıw órisin, morfologiyalık, sintaksislik dúzilisin oqıtıw – juwapkershilikli wazıypa.
Tálim basqa tillerde alıp barılatuǵın qánigeliklerde qaraqalpaq tilin oqıtıwda tekstler ústinde kóbirek jumıs islep, sonıń menen qatar teoriyalıq temalarda úyrenilip barıladı. Bunıń ushın kórkem – ádebiy shıǵarmalardan, sonday – aq berilgen tapsırmalardı orınlawda ilimiy izertlewlerden, internet materiallarınan, gazeta – jurnallardan paydalanıw maqsetke muwapıq. Sonlıqtan, oqıw qollanbada erkin temalar gazeta – jurnallardan, kórkem – ádebiy shıǵarmalardan, internet saytlarınan alǵan maǵlıwmatlar tiykarında berildi hám teoriyalıq materiallar ápiwayı, jeńil, túsinikli etip berildi. Sabaq barısında úyreniliwi tiyis bolǵan materiallardı jáne de keńirek qosımsha úyretiwde talabalardıń toparlarda islesip, prezentatsiya jasawı arqalı ele de keńirek maǵlıwmatlar ala aladı degen pikirdemiz. Sonıń ushın hár bir úyrenilgen temadan soń talabalarǵa prezentatsiya islew tapsırılǵan.
Juwmaqlap aytqanda, oqıw qollanbada qaraqalpaq tili sabaǵında talabalardıń hár tárepleme tereń bilim alıwına, hár bir temaǵa erkin túrde kóbirek dóretiwshilik penen qatnas jasawına dıqqat qaratıldı. Demek, bull oqıw qollanba qaraqalpaq tiliniń ózine tán ózgesheligin, kelip shıǵıw tariyxın, seslik dúzilisin, onıń sózlik baylıǵın úyreniw, tillerdi bir – birine salıstırmalı izertlewde (fonetikalıq, leksika – semantikalıq, grammatikalıq, uslublıq jaqtan), olardı úyreniwde oǵada áhmiyetli.