U. X. Safarov, N. M. Karakulov

Glossariy 
 Koloniya (lotincha colonia – aholi manzilgohi)
– boshqa davlat nazoratida 
bo‘lgan (metropoliya), siyosiy va iqtisodiy mustaqillikka ega bo‘lmagan hamda 
maxsus siyosiy tizim orqali boshqariladigan mamlakat yoki hudud (masalan: 
Gibraltarning O‘rta yer dengizi hududida joylashganligiga qaramay Buyuk 
Britaniya tomonidan nazorat qilinishi). 
Erkin assotsiatsiyalar
– biron davlat nazoratida bo‘lsa-da, o‘zining ichki 
boshqaruvida mustaqil bo‘lgan, tashqi siyosatida esa
 
bir qator mustaqillikka ega 
bo‘lgan davlatlar (Masalan: Italiya va Vatikan, Frantsiya va Monakko o‘rtasidagi 
kelishuv davlatlar boshqaruvi yuzasidan kelishuvi). 
Dominion
(inglizcha dominion – xokimiyat, mulk) – britaniya 
imperiyasining sobiq mustamlaka davlatlari bo‘lib, ular Buyuk Britaniya 
monarxini o‘z davlat boshliqlari sifatida tan olishadi (masalan: Kanada, Avstraliya 
Ittifoqi).
 
 Xristofor Kolumb
(1451, Genuya— 1506.20.5, Val’yadolid) — asli 
genuyalik dengizchi sayyoh. Yerning shar shaklida ekanligi to‘g‘risidagi qadimgi 
ta’limotga va XV asr olimlarining noto‘g‘ri hisoblariga asoslanib, Kolumb
Yevropadan Hindistonga olib boradigan, uning fikricha, eng qisqa dengiz yo‘lining 
loyihasini tuzdi. 1492 yil birinchi marotaba Amerika qit’asining markaziy 
qismlariga yetib kelgan sayyoh bu yerni G‘arbiy Hindiston (West Indiya) deb 
hisoblab, bu yerga to‘rt marotaba ekspeditsiya uyushtirgan.
 Konstitutsion monarxiya – 
parlament qonun chiqaruvchi, hokimiyat esa 
ijro etuvchi organ hisoblanuvchi, monarx xuquqlari konstitutsiya asosida tartibga 
solingan davlat tuzumi shakli. 
 Parlamentar monarxiya — 
konstitutsion monarxiyaning bir ko‘rinishi 
bo‘lib, unda monarx hokimiyatni boshqarmaydi, asosan ramziy ifoda ko‘rinishiga 
ega. Parlamentar monarxiyada hukumat barcha davlat boshqaruv organlaridan 
yuqori hisoblanuvchi parlament oldida javobgar hisoblanadi.