1. Stanoksozlik
– mashinasozlikning ushbu tarmog‘ida metall va yog‘ochga
qayta ishlov beruvchi stanoklar, avtomatik va yarim avtomatik ishlab chiqarish
liniyalari, metallurgiya tarmoqlarida foydalaniladigan turli jihozlar ishlab
chiqariladi. Bu turdagi mahsulotlar ishlab chiqarish darajasi iqtisodi rivojlangan
davlatlarda yuqori. Jahon stanoksozligi peshqadamlari bo‘lib Yaponiya, GFR,
Italiya, Xitoy, Tayvan, AQSH kabilar hisoblanadi. Mintaqalar ichida G‘arbiy
Yevropa yetakchilik qiladi.
Sanoat robotlarining deyarli yarmi Yaponiyada ishlab chiqariladi. Mahsulot
ishlab chiqarish bo‘yicha AQSH, GFR, Italiya, Frantsiya kabi davlatlar ham
sezilarli salmoqqa egadir. Bu sohaning asosiy xususiyati uning asosan ishchi kuchi
bahosi nisbatan qimmat bo‘lgan rivojlangan davlatlarda rivojlantirilganligidadir.
118
2. Kemasozlik
– transport mashinasozligining eski, lekin shu bilan birga eng
muhim sohalaridan biri. Soha mahsulotlari dengiz transportida xalqaro yuklarni
tashishda katta ahamiyatga egadir. Ishlab chiqariladigan mahsulotlar ko‘p turda
bo‘lib, ular orasida yuk tankerlari, yo‘lovchi laynerlari, baliq konservalari ishlab
chiqaruvchi yirik kemalar, paromlar va dengiz burg‘ulash platformalari salmoq
jihatdan ajralib turadi. Yiliga 1500 donadan ortiq turli ko‘rinishdagi kemalar ishlab
chiqariladi. Yaponiya, Koreya Respublikasi, Xitoy jahon kemasozligi etakchilari
hisoblanadi. Mintaqalar bo‘yicha Osiyo oldingi o‘rinda turadi. Ushbu mintaqa
barcha ishlab chiqariladigan kemalarning 80%ni beradi.
3. Avtomobilsozlik
– mashinasozlik majmuasining eng muhim tarmog‘i
hisoblanib, jahon xo‘jaligida ta’sir doirasi jihatidan neft sanoatidan keyin ikkinchi
o‘rinda turadi. Mazkur tarmoqqa 1886 yil nemis injeneri Karl Bents tomonidan
asos solingan.
Avtomobilsozlikda mahsulot ishlab chiqarishda ko‘pgina sanoat tarmoqlari
mahsulotlaridan foydalaniladi. Masalan, qora va rangli metallurgiyada ishlab
chiqarilgan metallar (po‘lat, alyuminiy va boshqalar), kimyo sanoatining mahsuloti
hisoblangan tabiiy, sintetik kauchuk, qurilish materiallar sanoatida tayorlangan
oyna va boshqalar. Avtomobilsozlik o‘z navbatida boshqa tarmoqlar rivojiga ham
katta ta’sir ko‘rsatadi (masalan, neft sanoati).
Jahon avtomobilsozligining hududiy joylashuvida so‘nggi yillarda jadal
rivojlanib borayotgan globallashuv jarayoni va TMKlar faoliyati kuchayishi katta
ta’sir etmoqdadir. “General Motors”, “Toyota”, “Ford Motor”, “Volksvagen”,
“Daymler-Kraysler” kabi jahonning yirik TMKlari yillik ishlab chiqariladigan
avtomobillarning
80%ga
yaqinini
beradi.
Tarmoq
ishlab
chiqaradigan
mahsulotlarning 70% yengil avtomobillarga, qolgan qismi esa yengil va og‘ir yuk
tashuvchi mashinalarga to‘g‘ri keladi. Yengil avtomobillar ishlab chiqarish
bo‘yicha AQSH, Yaponiya, GFR, Xitoy, Koreya Respublikasi kabi davlatlar katta
salmoqqa egadir. Yengil yuk mashinalari AQSH, Xitoy, Kanada, Yaponiya,
Meksika, og‘ir yuk mashinalari Yaponiya, Xitoy, AQSH, Hindiston, GFR kabi
davlatlarda ko‘p ishlab chiqariladi.
119
Jahonda yirik avtomobil ishlab chiqaruvchi kompaniyalar (01.01.2018 yil ).
31-jadval
Do'stlaringiz bilan baham: |