У. В.Ғафуров, Ш. И. Мустафақулов, М. Ш. Бўтабоев “Ўзбекистоннинг ижтимоий-иқтисодий ривожланиш стратегияси” фанининг ЎҚув-услубий мажмуаси

Ўқув машғулотига кириш. Семинар мавзуси ифодаланади; режалаштирилаётган ўқув натижалари айтилади ва уларни келгусидаги касбий фаолият учун аҳамияти тушунтириб берилади; семинар режаси ва ўқув машғулоти тузилиши маълум қилинади; семинардаги ўқув фаолиятининг баҳолаш кўрсаткичлари ва мезонлари эълон қилинади.
Семинар ва маъруза машғулотининг мантиқий алоқаси кичик-маъруза, суҳбат, чалғитувчи ва муаммоли саволлар орқали таъминланади.
Текшириш ўтказилади/диагностика ва тингловчиларнинг семинарга тайёргарлиги баҳоланади.
Ўқув машғулотининг асосий босқичи. Танланган семинар машғулоти шакли билан мувофиқликда ўқув жараёнини ташкиллаштириш амалга оширилади: кенг кўламли суҳбат олиб борилади, бу жараёнда режанинг ҳар бир саволи бўйича тингловчилар фикр билдирадилар/маъруза ва рефератлар эшитилади ва муҳокама қилинади/мунозарага айланади/муаммоли топшириқлар, кейслар ҳал этилади/таълимий ўйин ўтказилади/ коллоквиум/пресс-конференция/ўқув лойиҳалар тақдимоти/кичик-гуруҳлар таркибида ўзаро ўқиш ташкиллаштирилади/ёзма (назорат) ишлари ёки махсус ўқув топшириқлар бажарилади.
Семинарда тингловчиларнинг билиш фаоллигини таъминлаш учун:

• 
  семинар машғулоти муаммосини ечиш жараёнида ўқитувчи ва тингловчи ўртасида суҳбат ташкиллаштирилади;
  
• 
  тингловчиларни ўз фикрларини билдиришларига, сўзга чиқишларига қизиқтириш амалга оширилади;
  
• 
  тингловчиларнинг барча жавоблари ва фикрларининг амалий таҳлили ўтказилади;
  
• 
  тингловчиларни конспектларда қайд этиб боришлари ташкиллаштирилади ва назорат қилинади.
  
• 
  Семинар машғулотигача мустақил иш натижаларини акс эттирувчи тингловчилар томонидан ёзилган конспект, жадвал, чизмалар ва бошқа материалларнинг тайёрланганлиги назорат қилиб борилади.
  

Танланган ўқитиш модели билан мувофиқликда қуйидаги самарали усуллар қўлланилади:

• 
  Интерактив таълим методлари: ақлий ҳужум, пинборд, муаммоли вазифа ва вазиятлар, кейсларни ечиш, таълимий ўйин, ўқув лойиҳалар методи, айлана стол атрофида эвристикли/ кенг кўламли суҳбат, мунозара ва бошқ.
  
• 
  Оммавий, жамоавий ва гуруҳли (жуфтлик) таълим шакллари.
  
• 
  Ўқитиш воситалари: мактаб ёзув тахтаси, флипчарт, компьютер жиҳозлари.
  
• 
  Ўқув-услубий ва кўргазмали материаллар: ўқув материаллари, эксперт варақлари, йўриқномалар, ўқув топшириқлар, слайдлар ва ҳ.к.
  
• 
  Тахмин қилинаётган ўқув натижаларига эришишни тезкорликда назорат қилишни таъминловчи қайтар алоқанинг йўллари: кузатиш, блиц-сўров, савол-жавоб, тест ўтказиш, конспектларни текшириш ва бошқ.