У. В.Ғафуров, Ш. И. Мустафақулов, М. Ш. Бўтабоев “Ўзбекистоннинг ижтимоий-иқтисодий ривожланиш стратегияси” фанининг ЎҚув-услубий мажмуаси

Академияда ўқитиладиган маърузаларнинг асосий шакллари ва
унинг ўзига хос хусусиятлари

Ахборотли маъруза. Бу анъанавий маъруза шакли: маъруза режасига мувофиқ ўқув материалини монологик тарзда ва мантиқий изчилликда баён этишдан иборат.

Муаммоли маъруза. Янги билимларни савол/вазифа/вазиятларнинг муаммолиги орқали киритилади. Бу жараёнда тингловчиларни профессор-ўқитувчи билан ҳамкорликда ва суҳбат жараёни орқали изланувчилик фаолиятига яқинлаштириш асосий вазифа ҳисобланади.

Бинар маъруза. Бундай маърузани ўқиш икки ўқитувчи/2 та мактабнинг илмий вакиллари/олим ва амалиётчи/ўқитувчи ва тингловчиларни ўзида намоён этади.

Якуний маъруза. Қоида бўйича курсни якунлайди ва бутун давр мобайнида ўтилган мавзуларни умумлаштиради. Бундай маърузага тайёрланишда семинар машғулотида, оммавий савол-жавоб жараёнида аниқланган тингловчилар билимидаги камчиликлар ҳисобга олинади ва уларни бартараф этишга, шунингдек келгусида ушбу соҳадаги тайёргарлигини такомиллаштиришга урғу берилади. Якуний маърузада ўқитувчи курснинг асосий ғояларини беради ҳамда келгусида ушбу курсни ўрганиш давомида шаклланган билимлардан касбий ва раҳбарлик фаолиятида қандай қўллаш бўйича умумий кўрсатмаларни тақдим этади.

Анжуман-маъруза. Олдиндан белгиланган муаммо ва маърузалар тизими билан илмий-амалий машғулот (5-10 дақ.) ўтказилади. Бунда муаммони ҳар томонлама ёритиб бериш назарда тутилади. Машғулот якунида ўқитувчи мустақил бажарилган топшириқларга ва сўзга чиққанларнинг берган фикрларига якун ясайди, ахборотни тўлдиради/аниқлик киритади, асосий хулосаларни ифодалайди.