У. В.Ғафуров, Ш. И. Мустафақулов, М. Ш. Бўтабоев “Ўзбекистоннинг ижтимоий-иқтисодий ривожланиш стратегияси” фанининг ЎҚув-услубий мажмуаси

Мажмуадан фойдаланиш тартиби.
_{Электрон ўқув-услубий мажмуа ўқув семестри бошланишидан бир ҳафта аввал Академиянинг Ахборот-ресурс маркази томонидан Интранет тизимига киритилади, ундан фойдаланиш тартиб-қоидалари ўқув семестри бошланиши билан Ўқув бўлими томонидан барча профессор-ўқитувчилар ва тингловчиларга ўқув-услубий семинарлар орқали етказилади.
Мазкур Электрон ўқув-услубий мажмуа Ўзбекистон Республикаси Банк-молия академияси магистратураси ва Малака ошириш факультети курсларида “Ўзбекистоннинг ижтимоий-иқтисодий ривожланиш стратегияси” фани бўйича дарс берувчи профессор-ўқитувчилар ва тингловчилар учун мўлжалланган шунингдек, ундан ушбу фан йўналишини мустақил тарзда ўрганувчилар ҳам фойдаланишлари мумкин.
Академия Илмий кенгаши қарорига мувофиқ Электрон ўқув-услубий мажмуа дарс жараёнида фойдаланиш учун электрон кўринишда, профессор-ўқитувчилар ва тингловчиларга Интранетнинг www.intranet.bfa.uz манзили бўйича берилади. Оммавий тарзда фаннинг илмий-педагогик, ўқув-услубий ва ахборот-ресурс таъминоти масалалари “Ўқув курси проспекти” сифатида Академиянинг расмий интернет сайтида www.bfa.uz манзили бўйича жойлаштирилади.
Мажмуанинг қисқартирилган вариантда (PDF шаклида яратилган ахборот ресурсларисиз) чоп этилган манбалари назорат нусхалари сифатида Ахборот-ресурс марказида, Ўқув бўлимида ва кафедраларда (жами 3 нусха) сақланади (таълим дастурлари аккредитацияси жараёнида таҳлил қилиш мақсадида камида 5 йил давомида сақланиши шарт).
Мажмуани такомиллаштириш масалалари.
Электрон ўқув-услубий мажмуа ўқув йили мобайнида халқаро ва миллий молия-банк тизимидаги ўзгаришлар ва тенденциялар, янги қабул қилинган қонунлар, фармонлар ва қарорларни, хорижда ва республикада чоп этилган янги ўқув ва илмий адабиётларни, фан-техника ва технология борасида эришилган янги ютуқларни ҳисобга олган ҳолда мунтазам такомиллаштирилиб борилади.
Мазкур мажмуани янада такомиллаштириш юзасидан таклиф ва мулоҳазаларингизни [e-mail] электрон манзили бўйича кутиб қоламиз.}