У. В.Ғафуров, Ш. И. Мустафақулов, М. Ш. Бўтабоев “Ўзбекистоннинг ижтимоий-иқтисодий ривожланиш стратегияси” фанининг ЎҚув-услубий мажмуаси

Маслаҳатли-маъруза. Турлича режа кўринишида ташкил этиш мумкин. 1. “Савол-жавоблар” – ўқитувчи бўлим ёки тўлиқ курс бўйича тингловчиларнинг саволларига жавоб беради. 2. “Савол-жавоблар-мунозаралар”: ўқитувчи нафақат саволларга жавоб беради, балки жавобларни қандай излашни ҳам ташкиллаштиради.

Ўқув машғулотининг таълим технологиясини амалга ошириш


Ўқув машғулотига кириш. Маъруза мавзуси ифодаланади; режалаштирилаётган ўқув натижалари тингловчиларга етказилади ва ушбу ўрганилиши кутилаётган масалаларнинг келгусида касбий ва раҳбарлик фаолияти учун аҳамияти тушунтириб берилади; хабар қилинади: маъруза режаси, асосий тоифа ва тушунчалар, мустақил иш учун адабиётлар рўйхати.
Янги ўқув ахбороти тингловчиларда аввалдан бор бўлган маълумотлар билан мантиқий боғлиқлиги кичик-маъруза, суҳбат, чалғитувчи ва муаммоли саволлар орқали таъминланади.
Ўқув машғулотининг асосий босқичи. Ўқув машғулотини тузилишига ва маъруза режасига мувофиқ маъруза олиб борилади/кенг кўламли суҳбат ташкил этилади. Ушбу жараёнда режанинг ҳар бир саволи бўйича тингловчилар ўртага чиқадилар/маъруза ва берилган топшириқларни муҳокама ёки мунозарага айланиши таъминланади.
Маъруза мобайнида:

• 
  асосий тушунчалар, таърифлар, саналар ва бошқа статистик маълумотлар ажратиб кўрсатилади (айтиб турилади);
  
• 
  ҳар бир саволни ёритиб бўлингандан сўнг, қисқа умумлаштирувчи хулосалар қилинади; маърузанинг бир саволидан кейинги саволига ўтишда мантиқий алоқа таъминланади;
  
• 
  маърузада тингловчиларнинг билиш фаоллиги таъминланади: материалларни тушунишлари учун аниқлик киритувчи саволлар берилади; кичик гуруҳларда эркин фикр алмашишга рухсат берилади; жамоавий мунозара ташкиллаштирилади; аниқ, муаммоли вазиятлар муҳокама қилинади, амалиётдан мисоллар келтирилади; тингловчиларга янги факт ва вазиятларни аввал ўрганган билимлари билан таққослаш таклиф этилади.