Тузувчи : Файзуллаева Н

Tovarlar va xizmatlar. Ko‘p mamlakatlarda joriy xarajatlarning katta qismi DBOlarning ma’muriy va qo‘shimcha xarajatlari bilan bog‘liq. Garchand, xarajatlarning bu kategoriyasida anchagina mablag‘larni tejashga erishish mumkin bo‘lsada, beriladigan tovarlar va xizmatlar miqdorining qisqarishi hukumat etkazib beradigan xizmatlar samaradorligiga salbiy ta’sir etishi mumkin. Tovarlar va xizmatlarga xarajatlarning katta qismi asosiy fondlarning faoliyat ko‘rsatishi va ularga xizmat ko‘rsatishga sarflanadi. Joriy faoliyatni etarli darajada moliyalamaslik ta’lim va sog‘liqni saqlash kabi sohalarda samaradorlik pasayishiga olib keladi. SHunga o‘xshab ishlab chiqarish fondlariga texnik xizmat ko‘rsatishga mablag‘larni kam sarflash ularning tez eskirishiga sabab bo‘ladi. Mavjud infratuzilmani o‘z holiga tashlab qo‘yib, yangi quvvatlarni yaratish siyosati qimmat va kam unumlidir. Amortizatsiyani hisoblashning to‘g‘ri usulidan foydalanganda sof investitsiyalar salbiy bo‘lib qolishi mumkin. Boshqa tomondan mavjud dasturlarning samaradorligini pasaytirmaslik uchun makroiqtisodiy qayta qurish davomida barcha turdagi xom ashyo, materiallar va xizmatlarni bir vaqtning o‘zida qisqarishiga yo‘l qo‘ymaslik kerak.