«turon-iqbol»

Ilk qadam
* * * 
Onam uchun gul
Salqin shabadalar esarkan endi,
Tongda pichirlaydi bahoriy nafas.
Mening ham bir faslim bo‘lganda edi,
Birga qilar edik bahorga havas.
Tog‘da lola o‘sganin bildim,
Erta bahor kutardi ular.
O‘sha paytda neni his qildim?
Onam uchun terganda gullar.
Ko‘ksimni yondirar bir quchoq lola,
Yo‘llarda hayqirib she’rlar aytganim.
Chopishni ham bilmas, bir sodda bola,
Yo‘llarda yiqilib yig‘lab qaytganim.
Uygacha yiroq, olis-olis yo‘l,
Bahor faslin sevmayin men nechun?
Bir quchoq lola, ko‘ksim to‘la gul,
Faqat onam uchun, onam uchun.

---

116
Ilk qadam
Ismoilova Ruxshona 2005-yil 19-aprelda 
Samarqand viloyati Pastdarg‘om tumanida 
tavallud topgan. She’r va maqolalari “Past 
Darg‘om haqiqati” gazetasida chop etilgan. 
“Ona yurtga umrim baxshida” bayoziga ijod 
namunalari kiritilgan. Hozirda tumandagi 
72-umumta’lim maktabida tahsil olmoqda.
SAMARQANDIM
Necha-necha ming yildan
So‘zlab turar Samarqand.
Avliyolar yurtidir,
Ro‘yolar berolmas pand.
Registon, Bibixonim
Ezgulikning makoni.
Ulug‘bekni yod etgan 
Zotning baxtli har oni.
Samarqandim, faxrimsan.
Dilga g‘urur solaman,
Seni maqtasalar men 
Yulduzga yo‘l olaman!
YURT SOG‘INCHI
Naqadar buyuksan, naqadar aziz
Ta’rifingga hech so‘z topolmasman, man
Firoq chulg‘ar qalbim bir zumda sensiz
Agar o‘zga yurtda bir zum yashasam.
Sog‘inaman senga sog‘inchim oshkor,
Bahorda gullagan gul bog‘laringni.
Senda bir o‘zgacha go‘zallik bisyor,
Qaddimdek tik tutgum alp tog‘laringni.

---

117