«turon-iqbol»

Ilk qadam
TAQDIR
Kim ham bilar o‘z taqdirini,
Asta-sekin yillar o‘tmoqda
Peshonangga yozilgan inson,
Orzular-la seni kutmoqda.
Sabrliga omad yor derlar,
Bardoshidan chiroyli turmush.
Qo‘lin tutar vafodor yori,
Gulga to‘lar uning gulzori.
KUZ
Yurtimga oltin kuz kirib ham keldi
Fasldan darg‘azab shamollar yeldi.
Barglar misoli oltindek bo‘ldi,
Qalbimiz ajib bir quvonchga to‘ldi.
Paxtalar terildi qor kabi oppoq,
Hammayoq oltinrang jiloga to‘ldi.
Chiroyli manzara kel, endi bir boq,
Oltin kuz yurtimning mehmoni bo‘ldi.
ATIRGUL
Bog‘imizda bordir atirgul,
Uni ko‘rgach sayraydi bulbul.
Bunday go‘zal, bunday beg‘ubor,
Gulga to‘ldi ajib bu diyor.
Hali hanuz ochilib turar,
Barcha unga mahliyo bo‘lar.
Qo‘lim bormas olib uzishga,
Chiroyini doim ko‘rishga.

---

122