«turon-iqbol»

Ilk qadam
ORZU
Ochiq osmon ostida,
Yulduzlarga boqaman.
Xayolim ummonida,
Goh suzib, goh oqaman.
Orzu qilar ekanman,
Faqat kutarman uni.
Amalga oshmaydi,
Oshmas har kuni.
Maqsadim aniqdir,
Toleyim butun,
Orzuga yetarman 
Albat men bir kun.
ILHOM PARISI
Ilhomim parisi tunda uyg‘otib,
Murg‘ak vujudimda qilar g‘alayon.
Uyg‘otar, uxlama, deydi to‘lg‘anib,
Deydi she’r yozishing kerak ey, inson.
O‘ylama dunyoning g‘am-u tashvishin,
Faqat baxtli onlar bo‘lsin yodingda.
Dangasalik qilib keltirma g‘ashim,
Endi birgadirman har bir oningda.

---

134
Ilk qadam
TIRIK MURDA
Tirik murda soqov emas, kar emas,
Tirik murda falaj emas, ko‘r emas.
Tirik murda o‘z Vatanin sotgaydir,
Vijdonini botqoqlarga otgaydir.
Boylik deya ko‘r qiladi ko‘zini,
Mol-dunyo deb xor qiladi o‘zini.
Tuprog‘ini tavof qilmay past bo‘lar,
Oxir dunyo azobida mast bo‘lar.
CHOYXONADA
Choyxonada do‘stlar bo‘lib jam,
Ulfatlashib choyxo‘rlik qilar.
Choyxonada qilamiz bayram,
Buni faqat chin do‘stlar bilar.
MO‘JIZA
Mo‘jiza qidirdim butun dunyodan,
Ammo uchratmadim bitta mo‘jiza.
Keyin bilib qoldim, o‘zim bexosdan,
Aslida haqiqiy mo‘jiza Ona.
,

---

135